ЎЗБЕКИСТОН АЛОҚА ВА АХБОРОТЛАШТИРИШ АГЕНТЛИГИ

ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ

ТТ ва КТ кафедраси

РАҚАМЛИ КОММУТАЦИЯ ТИЗИМЛАРИ

фанидан лаборатория ишлари

тўплами

Услубий қўлланма

I қисм

5522200 - “Телекоммуникация” ва

5140900- “Касб-таълими “ (Телекоммуникация) таълим

йўналишлари талабалари учун

Тошкент – 2008

Муаллифлар: М.Х.Нуруллаева, Н.А.Зайнутдинова,

Д.Т. Норматова, И.А. Султанов

«Рақамли коммутация тизимлари»

Лаборатория ишлари тўплами

Услубий қўлланма. I – қисм.

ТАТУ, 82 бет. Тошкент 2008.

Услубий қўлланманинг мақсади - талабалар учун «Рақамли коммутация тизимлари» фани I- қисмини ўзлаштириш ва ўрганиш.

Услубий қўлланмада «Рақамли коммутация тизимлари» лаборатория ишлари тўплами I-қисми келтирилган бўлиб, талабаларнинг шу фан бўйича лаборатория ишларини назарий ва амалиётда бажарилишининг асосий ҳолатларини ўрганишга мўлжалланган.

Услубий қўлланмада аналог – рақамли ўзгартириш, РКТ да синхронлаш, линиявий кодлар, рақамли коммутация тамойиллари, фазо ва вақт бўйича коммутация жараёнлари, аралаш коммутация блоклари, абонент линия модули, ЭАТС нинг умумлаштирилган схемасини ва чақириқларга хизмат кўрсатиш жараёнлари келтирилган.

Услубий қўлланмада ҳар бир ишнинг мақсади, мазмуни, ҳисобот таркиби, адабиётлар рўйхати, топшириқ вариантлари, назорот учун саволлар ва назарий қисм берилган.

Услубий қўлланма ТТ ва КТ кафедраси тавсиясига асосан ва ТАТУ ўқув – услубий кенгаши тасдиғи асосида нашр қилинган.

Тақризчилар:

- ички

ТТ ва КТ кафедраси профессори В.М. Сон

- ташқи

“Ўзбектелеком” АК ,ТШТТ филиали

департамент бошлиғи, т.ф.н., доцент С.А.Агзамов

Тошкент ахборот технологиялар университети 2008.

МУНДАРИЖА

Сўз боши . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .	4
1- лаборатория иши. Сигналларни аналог-рақамли ва рақам - аналогли ўзгартириш . . . . . . . . . . . . . . . . . . . . . . . . . . . . . . . . . . . . . . . .	5
2- лаборатория иши. РКТ да синхронлаш. Линиявий кодлар. HDB-3 коди . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .	15
3- лаборатория иши. Мультиплексорлар негизидаги ФКБ . . . . . . . . .	20
4- лаборатория иши. Хотирлаш қурилмалари негизида вақт коммутатори . . . . . . . . . . . . . . . . . . . . . . . . . . . . . . . . . . . . . . . . . . . . . . .	26
5- лаборатория иши. Қурама КБ лар. Хотирлаш қурилмалари негизида фазо-вақт коммутатори . . . . . . . . . . . . . . . . . . . . . . . . . . . . . .	32
6- лаборатория иши. Аналогли абонент линияларининг модули ва унинг структуравий схемаси. BORSCHT функцияси . . . . . . . . . . . . .	37
7-лаборатория иши. Рақамли АТС ларнинг умумлаштирилган схемаси ва чақирувларга хизмат кўрсатиш тартиби . . . . . . . . . . . . . .	48
8- лаборатория иши. Чақирувларга хизмат кўрсатиш жараёнларини диспетчерлаш ва ташкил этиш дастурлари . . . . . . . . . . . . . . . . . . . . . .	61
9- лаборатория иши. DTS - 1100 A тизимини ўрганиш . . . . . . . . . . . .	67
Адабиётлар . . . . . . . . . . . . . . . . . . . . . . . . . . . . . . . . . . . . . . . . . . . . . . . .	81

Cўз боши

“Рақамли коммутация тизимлари” фани Телекоммуникация технологияси факультети Телекоммуникация йўналиши 3–курс талабаларига 5,6–семестрда ўқитиш мўлжалланган.

Ушбу лаборатория ишлари 5–семестрда “Рақамли коммутация тизимлари” I- қисм фани бўйича ўқитилиш кўзда тутилган. Ушбу услубий қўлланма “Рақамли коммутация тизимлари” фани бўйича лаборатория ишларини назарий ва амалиётда бажарилишининг асосий ҳолатларини ўрганишда талабаларга ёрдамчи бўлиб ҳисобланади. Мавзулар Телекоммуникация ва “Касб-таълими“ (Телекоммуникация) йўналиши талабалари учун ўқиладиган курс дастури билан мос равишда жойлашган. Ҳар бир лаборатория ишининг мазмуни: лаборатория ишининг мақсадини, талабанинг лаборатория ишига топшириғини, лаборатория ишини бажариш тартибини, талаба билим даражасини аниқлаш учун назорат саволларини, назарий материали ўрганиш бўйича услубий қўлланмани ўз ичига олади.

Ҳар бир мавзу устида ишлаш икки қисмдан иборат: аудиториядан ташқари мустақил ишлаш ва аудиторияда ўқитувчи билан ишлаш. Аудиториядаги машғулотлардан олдин талаба кейинги дарсга тайёрлаб келиши керак бўлган мустақил иш учун топшириқ олади. Мустақил иш бўйича ҳисоботнома назорат саволларига қисқа жавобларни ўз ичига олиши керак. Аудиторияда ўқитувчи томонидан талабанинг билим даражаси текширилгандан кейин берилган лаборатория ишини бажариш учун рухсат олади ва лаборатория ишини бажаради. Дарс якунида ўқитувчи талаба бажарган лаборатория ишини таҳлил қилади ва бахолайди.

Аудиториядаги дарсда материал қанчалик чуқур ўрганилишига эътибор берилади. Мавзуни мустақил ўрганишда талабага тушунарсиз бўлган саволлар аниқланади ва тушунтирилади.

1 – лаборатория иши

Сигналларни аналог рақамли ва рақам - аналогли ўзгартириш

1.1. Лаборатория ишининг мақсади ва мазмуни

1. Импульс-кодли модуляция асосида сигналларни аналог-рақамли ва рақамли-аналог ўзгартириш тамойилларини ўрганиш.

2. Сигналларни ўзгартириш босқичлари ва уларни амалга оширишнинг турли вариантларини тадбиқ қилиш.

1.2. Лаборатория ишига топшириқ

Лаборатория ишига тайёргарликда маъруза матни 1 – бўлим [1, 10–15 бетлар], ёки [2, 7-10 бетлар], ёки [3, 85–90 бетлар], ёки [4, 16 – 46 бетлар], ёки [5, 99–107 бетлар], ёки [6, 7–12 бетлар] ўрганиш лозим. Бунда импульс-кодли модуляция асосида сигналларни аналог-рақамли ва рақамли-аналог ўзгартириш тамойилларини ўрганиш, сигналларни ўзгартиришнинг амалга ошириш босқичларини мумкин бўлган вариантларини ўрганиш, назорат саволларига тайёргарлик кўриш.

1.3 Лаборатория ишини бажариш тартиби

Вариант бўйича дастлабки маълумотлар (1.1 – жадвал) асосида аналог сигнални рақамли сигналга ва рақамли сигнални аналог сигналга ўзгартириш жараёнини бажаринг.

1.1 – жадвал

Вар. №	1	2	3	4	5
Uчиқ , В	+0,0039	-0,6214	-0,1326	+0,4290	-0,5214
Вар. №	6	7	8	9	10
Uчиқ , В	+0,3390	-0,7003	-0,0215	-0,0907	+0,3196
Вар. №	11	12	13	14	15
Uчиқ , В	+0,1825	+0,7529	-0,1580	-0,8351	+0,5329
Вар. №	16	17	18	19	20
Uчиқ , В	-0,0513	-0,4292	+0,2703	-0,3091	-0,8214
Вар. №	21	22	23	24	25
Uчиқ , В	+0,0318	-0,4208	-0,6916	-0,0814	+0,1092

1.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмнинг қисқача мазмуни.

2. Бажарилган иш бўйича олинган маълумотлар.

1.5 Назорат саволлари

1. Аналог-рақамли ўзгартириш ва рақамли ўзгартиришни қайси модуляция турига асосан бажариш мумкин?

2. Рақамли коммутация тизимида қайси модуляция тури ишлатилади?

3. Дискретлаш жараёнини тушинтиринг.

4. Квантлаш жараёнини тушинтиринг.

5. Кодлаш жараёнини тушинтиринг.

6. Сигналларни аналог-рақамли ва рақамли-аналог ўзгартириш жараёни қандай босқичлардан иборат?

7. Аналог-рақамли ва рақамли-аналог ўзгартиргичлар қандай элементлардан таркиб топган ва уларнинг вазифалари нималардан иборат?

8. Дискретлаш частотасини танлаш нима билан белгиланади?

9. Вақт оралиғининг узунлиги (катталиги) нима билан белгиланади ва бирламчи ИКМ тизимининг формати учун у нимага тенг?

10. Сигналларни ўзгартириш жараёнида компандирлаш ва декомпандерлашни ишлатиш нимага боғлиқ?

11. Стандарт ИКМ сигналнинг кодли комбинацияси форматини тушунтиринг.

12. ИКМ трактининг тавсифини тушинтиринг.

1.6 Назарий қисм

ИКМ асосида сигналларни аналог-рақамли ва рақамли-аналог ўзгартириш асосларини ўрганиш бўйича услубий кўрсатмалар

Лаборатория ишига тайёргарлик куришда рақамли коммутация ва ахборотни узатиш тизимлари ахборотни узатиш ва коммутациялашни рақамли кўринишда амалга оширишга эътибор бериш керак. Бу қабул қилиш ва узатиш трактларини ажратишни кўзда тутади. Диференциал тизим қабул қилиш ва узатиш трактларини амалга ошириш, яъни иккисимли аналог линиядан тўртсимлиККа ўтиш, дифференциал тизим (ДТ) ёрдамида бажарилади. Узатиш трактида сигналларни аналог-рақамли ўзгартириш (АРЎ), қабул қилиш трактида эса рақамли-аналогли ўзгартириш (РАЎ) амалга оширилади.

Аналог-рақамли ўзгартириш дастлабки аналогли сигнал устида кетма-кет операциялар (амаллар)дан иборат: дискретлаш, квантлаш ва кодлаш.

Дискретлаш дастлабки узлуксиз аналог сигнални дискрет кўринишда тасвирлашдир (1.1.а - расм).

1.1 – расм. Узлуксиз аналог сигнални дискрет кўринишда тасвирлаш

Бундай ўзгартириш мумкинлигининг назарий асосини Котельников назарияси тушунтиради. Котельников назариясига биноан ихтиёрий шаклдаги сигнални (частоталар спектри чекланган вақт функцияси бўлган) унинг дискрет қийматларининг қатори кўринишида тасаввур этиш мумкин, кетма-кетлик частотаси сигналнинг максимал частотасидан ҳеч бўлмаганда икки маротаба катта бўлиши керак:

f_q 2f_max ,

бу ерда f_max – аналог сигналнинг максимал мумкин бўлган частотаси.

Дискретлаш қийматининг кетма-кет даври эса, қуйидагича аниқланади,

T = 1/ f_q

Бу шарт бажарилса дастлабки сигнал ҳар доим тикланиши мумкин. Аналог сигнални дискрет қийматларда келтириш техник адабиётда амплитуда импульсли модуляция (АИМ) деган номни олди. Телефонияда аналог сигналнинг частоталар йўлаги 300 Гц дан 3400 Гц гача оралиқда ётади. Шунга мос

2f_max = 6,8 кГц бўлади.

Бироқ рақамли коммутация ва ахборотни узатиш тизимларида қуйи частоталар фильтрини (КЧФ) соддалаштиришни таъминлаш учун f_q 8 кГц га тенг қилиб олинган.

Битта дискрет отсчетнинг давомийлиги (вақт оралиғи) қуйидагича аниқланади:

= Т / к

бу ерда: к – ташкил этиладиган вақт оралиқларининг (ВО) сони.

32 каналли ИКМ 30/32 аппаратура учун = 3,9 мкс.

дискретлаш электрон контакт (ЭК) ёрдамида амалга оширилади, унга мазкур ВО га мос импульслар кетма-кетлиги берилади. Шуни кўзда тутиш кераККи импульслар кетма-кетлиги ҳар бир ВО учун импульс узунлиги дан кичикдир. Бу ВО ларни ўзаро бир-бири билан ажратишни таъминлаш учун зарур.

Бир қатор жиддий сабабларга кўра, амплитуда-импульсли модуляция кенг тарқалмади, жумладан:

- паст халақитбардошлик, чунки алоҳида дискрет отсчетларнинг бузилиши дастлабки сигналнинг бузилишига ҳам олиб келади;

- ахборотни вақт бўйича сақлашни амалга ошириш қийин, чунки назарий жиҳатдан дискрет отсчетларнинг амплитудаси чексиз кўп қийматларга (1в, 1,1в, 1,о1в, …) эга бўлиши мумкин.

АИМ сигналнинг дискрет отсчет амплитудасини тасвирлаш мумкин бўлган қийматлар сонини чеклаш учун, квантлаш киритилади. Бунда АИМ сигнал амплитудасининг ўзгариши мумкин бўлган қийматлар диапазони алоҳида бўлакларга (даражаларга) маълум қадам билан бўлинади, бу қадам – квантлаш қадами () дейилади. Бу ҳолда АИМ сигналнинг дискрет отсчет амплитудаси мос равишдаги дискрет катталиККа эга бўлган квантлаш қадамининг ўртасига тенг (1.1.б - расм). Бу дискрет катталик ихтиёрий саноқ системасида, шу жумладан иккилик саноқ системасида ҳам квантлаш даражасининг номери кўринишида тасвирланиши мумкин. Ўзгармас катталик билан квантлаш чизиқ шкалали бир текис квантлаш номини олган. Бироқ, шуни назарда тутиш кераККи, квантлашда хатолиККа йўл қўйилади. АИМ сигналнинг дискрет отсчет амплитудасининг хақиқий қиймати ва унинг квантли қиймати ўртасидаги фарқ (айирма) хатолик ёки квантлаш шовқини дейилади. Шу нуқтаи назардан сигнал-квантлаш шовқини нисбати (СКШН)нинг қиймати муҳим аҳамиятга эга бўлади, умумий ҳолда у қуйидагича аниқланади:

СКНШ =

бу ерда x(t) – дастлабки аналог сигнал; y(t) – тикланган аналог сигнал; y(t) - x(t) – квантлаш сигнали; Е – математик кутилиш (ўртача қиймат).

Текис квантлаш учун СКШН қиймати қуйидаги ифодадан аниқланади:

СКШН = 1.76 + 6.02n + 20 lg (A/A_max) (1)

бу ерда: n – квантлаш даражасининг номерини иккилик тасвирлашдаги разряди; А – АИМ сигналнинг максимал бўлган амплитудаси; 20 lg(A/A_max) – АИМ сигнал амплитудасининг динамик диапазонда ўзгариши, дБ да.

Товушли ахборот узатилганда СКШН 30 дБ дан кам бўлмаслиги керак. (1) ифодадан кўриниб турибдики, n нинг ўзгармас қийматида кичик амплитудали сигналларни узатиш шароитлари катта амплитудаликдан ёмонроқдир. Бу ҳол, квантлаш шовқинининг катталиги квантлаш қадами га боғлиқ бўлиб узатилаётган сигналнинг амплитудасига боғлиқ эмаслигини кўрсатади. Квантлаш даражаларининг сонини аниқлашда (n қиймати квантлаш даражаси номерини иккиликда тасвирлаш разряди) шундан келиб чиқиш кераККи, бунда СКШН 30дБ шарти АИМ сигнал амплитудасининг ўзгариши барча диапазонда бажарилиши керак, яъни A/A_max нисбатнинг энг кичиги МККТТ (ХТТМК) тавсияномасига биноан. Телефон тизимларида сигналнинг талаб даражасидаги сифатини таъминлаш мақсадида квантлашнинг 4096 та текис даражаси танлаб олинган. Бунда, агар дастлабки аналогли сигналнинг максимал мумкин бўлган амплитудасини бир деб олсак, ва =const бўлса, унда квантлаш қадами =0.00024 бўлади. Бу шунга олиб келадики, амплитуданинг ўсиши билан СКШН қийматида ортиқлик ҳосил бўлади, натижада n разряддан иборат кодли фазо самарали фойдаланилмайди. Шунинг учун, турли амплитудали сигналларни узатиш шароитларини бир хил қилишга интилишади, яъни сигнал амплитудасини барча ўзгариш диапазонида СКШН ўзгармас бўлишига эришиш керак. Бунга узатилаётган сигнал амплитудаси катталигига боғлиқ равишда квантлаш қадамини ўзгартириш йўли билан эришиш мумкин. Нотекис квантлаш, дастлабки сигнални компандирлаш усули билан амалга оширилиши мумкин.

Компандирлашнинг идеал қонуни лагорифмик ҳисобланади. Европа мамлакатлари учун МККТТ компандирлаш учун А қонунни тавсия этади:

бу ерда х = I_кир /I_max ; y = I_чик /I_max ; А = 87.6 компандирлашнинг ўзгармас катталиги.

х ва у қийматларининг катталиклари 1.1- жадвалда келтирилган:

1.1-жадвал

у	0	1/8	2/8	3/8	4/8	5/8	6/8	7/8	8/8=1
х	0	1/128	1/60.6	1/30.6	1/15.4	1/7.79	1/3.93	1/1.98	1
х~	0	1/128	1/64	1/32	1/16	1/8	1/4	1/2	1
у/х	16 16 8 4 2 1 1/2 1/4

1.1 - жадвалдан х ва х_~ қийматларининг бир-бирига жуда яқинлиги кўриниб турибди. Бу х ва у ўртасида боғлиқликни 1.2-расмда кўрсатилгандек бўлакланган-синиқ ҳарактеристика билан аппроксимация қилиш имконини беради.

Бу ҳарактеристика 16 та сегментдан (саККизта мусбат ва саККизта манфий қисмларда) ва фақат 13 та чизиқли қисмлардан иборат бўлади, чунки тўртта марказий сегментлар (иккита мусбат ва иккита манфий қисмларда) битта чизиқли қисмда бирлаш берилади (у = -2/8 дан у=+2/8 гача бўлган боғлиқлик чизиқли ҳарактерга эга).

Квантлаш қадамининг қиймати ҳар бир сегмент чегарасида, ҳар бир сегментда квантлашнинг ўзгармас қадами 16 даражага эга бўлган ҳисоблар ёрдамида аниқланади.

Қабул қилиш жойида сигнални декомпандирлаш А қонунига мувофиқ бажарилади:

1.2 - расм х ва у ўртасида боғлиқликни бўлакланган-синиқ ҳарактеристика билан аппроксимация қилиш

А қонуни бўйича компандирлаш қўлланилганда квантли дискрет отсчетини кодлаш сегмент номерини кодлашдек бажарилади, у кирувчи сигналлар даражаларининг диапазонини қамраб олади. Шундай қилиб, дискрет отсчетнинг абсолют катталигини аниқлаш учун, 1log₂7(+1log₂(6))=7 разрядга эга бўлиш етарлидир. Белгини инобатга олган ҳолда кодли комбинациянинг узунлиги саККизга тенг бўлади. Стандарт кодли комбинациянинг формати 1.3- расмда келтирилган.

1.3 – расм. Стандарт кодли комбинациянинг формати

Кодлашнинг иккита алгоритми мавжуд: тўғри кодлаш; 12-разрядли чизиқли кодлашни қўллаш. Тўғри кодлаш, сигнал амплитудасининг барча ўзгариш диапазонида 4096 текис квант даражалари мавжудлигини кўзда тутади. Бу ҳолда сегментларнинг бошланғич узеллари қуйидаги қийматларга эга бўлади:

С=000 – 32; С=001 – 64; С=010 – 128; С=011 – 256; С=100 – 512; С=101 – 1024; С=110 – 2048; С=111 – 4096.

х квантларга эга бўлган амплитуданинг дискрет отсчети қуйидаги тенгсизлиККа биноан сегментларнинг бошланғич узелларнинг қийматларига нисбатан тортилади.

ва тенгсизликни қаноатлантирувчи a нинг энг кам қиймати, С нинг қийматини беради. С ни аниқлагандаг сўнг қолдиқ қуйидагича топилади:

Квантлаш қадами К нинг қиймати, қуйидаги тенгсизликни қаноатлантирувчи энг кичик қийматдек аниқланади:

Квантлаш даражаларини кодлаганда МККТТ тавсия этган ночизиқли квантлаш жадвалидан фойдаланиш мумкин (1.2 – жадвал).

1.2 - жадвал

Квантлаш сегменти, С	Квантлаш қадами
0 1 2 3 4 5 6 7
000 001 010 011 100 101 110 111
0 32 64 128 256 512 1024 2048 2 34 68 136 272 544 1088 2176 4 36 72 144 288 576 1162 2304 6 38 76 152 304 608 1216 2402 8 48 80 160 320 640 1280 2560 10 42 84 168 336 672 1344 2688 12 44 88 176 352 704 1408 2816 14 46 92 184 368 736 1472 2944 16 48 96 192 384 768 1536 3072 18 50 100 200 400 800 1600 3200 20 52 104 208 416 832 1664 3328 22 54 108 216 432 864 1728 3456 24 56 112 224 448 896 1792 3584 26 58 116 232 464 928 1856 3712 28 60 120 240 480 960 1920 3840 30 62 124 248 496 992 1984 3968 32 64 128 256 512 1024 2048 4096	0 0 0 0 0 0 0 1 0 0 1 0 0 0 1 1 0 1 0 0 0 1 0 1 0 1 1 0 0 1 1 1 1 0 0 0 1 0 0 1 1 0 1 0 1 0 1 1 1 1 0 0 1 1 0 1 1 1 1 0 1 1 1 1	0 1 2 3 4 5 6 7 8 9 10 11 12 13 14 15

Мисол учун =0.00024 ва АИМ сигнал импульсининг даражаси +0,0290 бўлсин. Чизиқли квантлашда квантлаш даражаси номерини қуйидагича аниқлаймиз:

Даража номери = 0.0290 / 0.00024 = 121.

Сўнгра С нинг қийматини аниқлаймиз:

; С=2.010. Қолдиқ r=12-16*2^C=57 га тенг бўлади. Кодли комбинация 10101110 кўринишига эга бўлади. 1.2 – жадвалдан фойдаланиб бу комбинацияни осонгина топса бўлади.

Декодерлаш бажарилганда дискрет отсчет даражасининг қиймати қуйидаги ифодадан аниқланади:

Бизнинг мисолда Y_n=2²(14+116.5)=122. C, К, Y_n ни аниқлаш учун келтирилган алгоритмни амалга ошириш, мазмунан олганда, тўғри кодлаш билан кодекни тузиш мантиқини белгилаб беради. 1.4-расмда тўғри кодлашли кодекнинг структуравий схемаси келтирилган.

1.4 – расм. Тўғри кодлашли кодекнинг структуравий схемаси

12 разрядли чизиқли кодлаш ишлатилганда яна шу нарса кўзда тутиладики, бунда сигнал амплитудасининг барча ўзгариш диапазони 4096 текис квантлаш даражасидан иборат бўлади.

Сўнгра А қонунига мувофиқ 12 разрядли чизиқли код етти разрядли (сигналнинг ишораси инобатга олинмаган ҳолда) ўзгартириш амалга оширилади. Ўзгартириш жараёни 1.3 – жадвалга мувофиқ равишда амалга оширилади (бажарилади).

1.3 – жадвал

Дастлабки код	Ўзгартирилган код	Тикланган код
0000000WXYZa 0000001WXYZa 000001WXYZab 00001WXYZabc 0001WXYZabcd 001WXYZabcde 01WXYZabcdef 1WXYZabcdefg	000WXYZ 001WXYZ 010WXYZ 011WXYZ 100WXYZ 101WXYZ 110WXYZ 111WXYZ	0000000WXYZ1 0000001WXYZ1 000001WXYZ10 00001WXYZ100 0001WXYZ1000 001WXYZ10000 01WXYZ100000 1WXYZ1000000

Худди ўша мисолни кўриб чиқамиз. Дискрет отсчет кванти +121 га тенг амплитудага эга. Сигнал ишорасини инобатга олмаган ҳолда 12 разрядли кодда даража номери қуйидаги кўринишга эга бўлади:

0 0 0 0 0 1 1 1 1 0 0 1

0 0 0 0 0 1 W X Y Z a b

1.2 – жадвалнинг берилганлари ва сигнал ишорасини инобатга олган ҳолда ўзгартирилган код. Ушбу кўринишга эга: 000001111010, бу 122 – квантлаш даражасига мос келади. Кодларни ўзгартириш одатда 1.5 – расмда кўрсатилганидек ИКМ нинг гурухли трактига уланган махсус процессорда (МП) амалга оширилади. Думплекс алоқани ташкил этиш учун одатда кодловчи ва декодловчи қурилма дискретловчи ва квантловчи қурилмаларни ўз ичига олган ҳолда битта КИС(катта интеграл схема) (БИС) кўринишида бажарилади.

1.6 – расм. Кодларни ўзгартириш

Шундай қилиб, узатиш трактида сўзлашув спектри частоталари йўлагини ажратишни таъминловчи КЧФ (ФНЧ) дифсистемадан сўнг туриши керак, сўнгра АИМ сигнални (дискретлаш) олишни амалга оширувчи ЭК келади, шундан сўнг фақат АИМ сигнални ИКМ сигналга ўзгартиришни таъминловчи кодер келади. Қабул қилувчи трактда қуйидаги функционал элементлар туриши керак: декодер, электрон контакт (ЭК), қуйи частоталар фильтри (КЧФ), аналогли сигнал даражасини талабгача тиклашни таъминловчи қуйи частоталар кучайтиргичи (КЧК) ва дифсистема (ДС).

2 – лаборатория иши

РКТ да синхронлаш. Линиявий кодлар. HDB-3 коди

2.1 Лаборатория ишининг мақсади ва мазмуни

Ишни бажариш натижасида талаба қуйидагиларни билиши зарур:

- синхронлашнинг асосий тамойиллари;

- тармоқли синхронлашни амалга ошириш усулларини, унинг вазифасини;

- ИКМ-30 трактини ташкил этиш, тактли частота бўйича синхронлашнинг, циклли ва ўтацикли синхронлашнинг вазифаси;

- линиявий кодларнинг вазифаси.

2.2 Лаборатория ишига топшириқ

Лаборатория ишига тайёргарликда маъруза матни 2,3 – бўлимлар [1, 17–20 бетлар], ёки [2, 85-90 бетлар], ёки [3, 16–46 бетлар], ёки [4, 99-177] ,ёки [5, 7–12 бетлар], ёки [7] 4- бўлимини ўрганиш лозим.

2.3 Лаборатория ишини бажариш тартиби

Ўз вариатингиз бўйича дастлабки маълумотларни 2.1 – жадвалдан олиб, берилган топшириқни бажариш лозим. Берилган битлар кетма-кетлиги учун NRZ, AMI ва HDB-3 кодларининг вақтли диаграммасини чизинг. Кодларни бир биридан фарқи, камчиликлари ва афзалликларини аниқланг.

2.1-жадвал

0	1	2	3	4
101000000001	100001000011	011000001010	110000110000	100000001101
5	6	7	8	9
100000010001	110000000011	101000001011	100001000111	110000010111
10	11	12	13	14
100000010001	110000000011	101000001011	100001000111	110000010111
15	16	17	18	19
100001010001	100000011111	110000001011	100000001001	110010000011
20	21	22	23	24
110000010011	110000100011	110000001001	100001000101	110000000101

2.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмнинг қисқача мазмуни.

2. Бажарилган иш бўйича олинган маълумотлар.

2.5 Назорат саволлари

1. Синхронлашнинг вазифаси.

2. Синхронлаш усулларини айтинг ва ҳар бирини тушинтиринг?

3. ИКМ-30 даги 0- канал вазифасини тушинтиринг.

4. ИКМ-30 трактини тузилишини келтиринг.

5. Тактли частота бўйича синхронлаш нима учун мўлжалланган ва қандай бажарилади?

6. Циклли синхронлаш нима учун мўлжалланган ва қандай бажарилади?

7. Ўтациклли синхронлаш нима учун мўлжалланган ва қандай бажарилади?

8. Линиявий код турларини келтиринг.

9. HDB-3 кодини тушинтиринг.

10. HDB-3 кодига айлантириш мисолини келтиринг.

2.6 Назарий қисм

Қисқача назарий маълумотлар

Рақамли сигнални узатиш учун мўлжалланган линия трактининг киришида иккиламчи сигнални рақамли линия сигналига айлантиргич қуйилади. Чиқишига эса уни тескарисини бажарувчи қурилма ўрнатилади. Линия сигналининг турини танлашда, у линия турига боғлик бўлади. Бундан ташқари регенераторлардан ўтиш, регенераторларни бошқаришни ҳам кўзда тутилган бўлиши керак. Линиявий кодни шундай тиклаш кераККи, линия сигналининг энергетик спектри иложи борича кичик полосани эгаллаши керак. Бу спектр максимуми паст частота чегараларида ётиши ва спектрнинг ўзгармас қисмида бўлиши керак эмас. Ундан ташқари сигналнинг символлар йиғиндиси минимал бўлиши керак. Бу дегани ўзгармас қисмни узлуксиз равишда йуқотиб туриш керак. Бу амал жуда қиска вақтда кетма – кет код символларини ўзаро компенсация йўли билан амалга оширилади. Буни ҳисобга олганда, линиявий кодида қарама – қарши қутбли импульслар бўлиши керак. Яъни импульсларнинг қарама – қарши қутбли кетма – кетлиги бир хил ҳосил бўлиши керак. Иккиламчи код импульсларини ҳосил бўлишига чегара қўйиш мумкин эмас. Шунинг учун линиявий код ортиғи билан бўлиши керак. Сигналларга икки даражадан кўп даража киритиш йули билан линиявий сигнални ортиқчаликни узатиш тезлигини ошириш мумкин. Масалан N даражали линиявий кодни олайлик.

Амалиётда 3 даражали линиявий код ишлатилади. Масалан 1В – 1Т. Бунинг маъноси иккиламчи коднинг (Bi nary) битта символи учламчи код (Ternary) нинг битта символига айлантириш деганидир.

1В à 1Т. Узатиш тезлиги иККаласида бир хил, яъни икки даражали кодни ҳамда , 3 даражали кодни узатиш хам бир хил вақтда бажарилади. Демак, ортиқчалик ҳосил қилинди. Бу ортиқчалик етарли даражада катта, бўлгани учун линиявий кодни қуриш тамойилини танлаш катта эркинликни беради.

1В – 1Т туридаги кўп ишлатиладиган код импульс қутбларини алмаштириш билан квазиучламчи код (ЧПИ) ёки AMI (Alternating Mark Lnversion) бирни ўзгартирувчи инверсия коди ҳисобланади.

Рақамли йиғинди

1

А=р/2(-1/2)+(1-р)0+р/2 = 0

2

Ўзгармас қисми йўқ қилингандан сўнг ЧПИли коднинг энергетик спектри йўколади, дискретлар хам йўколади. Шунинг учун бундай код сигнал хақида хеч қандай ахборот узатмайди. Лекин туғрилагичда ғтказилиб иккиламчи кодга айлантирилса, ўзгармас қисм пайдо бўлади. Бу код орқали узатиладиган ахборотни билмаса ҳам ҳосил бўладиган хатоларни топиши мумкин. Символлар кетма – кетлиги тасодифан бузмаган ҳолда, яъни: а⁽²⁾ =0 ни а⁽¹⁾ =-1/2га ёки а⁽³⁾=1/2 ни алмашиб қолган, ҳамда а⁽¹⁾ ёки а⁽³⁾ ни а⁽²⁾ га алмашиб қолганда, қўшни импульслар қутбининг галма-гал алмашиш тамойили бузилади. Бу эса линия сигналини узатиш сифатини кўрсатади.

ЧПИ кодининг камчилиги: бу код линия трактига узун «нуллар» сериясини узата олмайди. Бу камчиликни йўкотиш учун ЧПИ модификацияси ишлаб чиқилган. Бундай линия кодларини бир неча кўринишлари мавжуд. Энг кенг тарқалгани НДВ – 3 (High Density Bipolar Excess 3). Бу кодни қурилиш тамойили худди ЧПИ га ўхшайди. Бу ўхшашлик иккиламчи символлар орасида 3 та дан ортик ноль пайдо бўлмагунча давом этади. Агар иккиламчи кодда 4 та ёки ундан ортик ноллар пайдо бўлса, кетма – кет келган 4 та ноллар комбинацияларнинг хар бири 2.2- жадвалда келтирилган кетма – кетлик билан алмаштирилади.

2.2-жадвал

Oхирги импульс ишораси	тоқ	жуфт
Мусбат (+)	- - - Р	N - - N
Манфий (-)	- - - N	P - - P

2.3 - жадвал

Иккиламчи кодни НДВ – 3 кодига айлантириш тамойили

Иккиламчи код	НДВ – 3 коди	Кетма – кетликни танлаш шарти
0000	000 V	Агар аввалги V символидан олдин В символининг тоқ сони бўлган ҳолда
	В00 V	Агар аввалги V символидан олдин B символини жуфт сони бўлган ҳолда

2.3-жадвалидаги V орқали қутби аввалги В символни қутбини такрорлайдиган символ белгиланади. 4 та нульдан иборат кетма – кетлик линия кодининг иккита хар хил кетма – кетлиги билан алмаштирилади. Бу линия сигналини хар хил жойида пайдо бўладиган V символлар кетма – кетлиги галма – гал қутби ўзгариши учун қилинади. Бунга ўҳшаш символларнинг ўрта қийматига таъсирини йўқ қилади. Лекин V символи киритилганлиги учун НДВ – 3 кодининг рақамли йиғиндиси ЧПИ кодига қараганда кўпаяди ва 2 (-1/2) ёки 1/2 таркибида бўлиши мумкин.

НДВ – 3 кодида линиядан узатилаётган рақамли сигналда хосил булаётган тасодифий хатоларни текшириш мумкин. Компенсация бўлмаган V бузишларни текшириш йўли билан буни амалга оширса булади. Линиявий кодни иккиламчи кодга айлантирилаётганда тасодифий хатолар рақамли тракт охирида қўшимча хатоларга олиб келади. Мисол учун линиявий коддаги кетма – кетлик В ⁺ ОВ ^– В ⁺ да 3 символда хатолиККа йўл қўйилди ( 0 га алмашиб колди.), бундан В ⁺ ООВ ⁺ кетма – кетлик ҳосил бўлади. Буни «декодер В ⁺ ОО V деб тушунади ва бу кетма – кетликни 0000 билан алмаштиради. Шундай килиб битта ҳато ўрнида 3 та ҳато ҳосил бўлди. Хатолар сони 2 мартда ошиши хам мумкин. Баъзи бир пайтда хато купайтирмаслик ва хатони йўкотиш хам мумкин. Айлантириш усулига қараб, линиявий кодни хатони декодерлаш жараёнида декодер кўпайтириш коэффициентининг ўрта қиймати 1,18 дан 1,26 гача бўлиши мумкин.

НДВ – 3 кодига яқин яна битта линиявий коднинг кўриниши бор. Бу АҚШ да ишлатиладиган Z B SO6 (Bipolarwith Sik Zeto Sitbstition) кодидир. Бу кодда кетма – кет 6 тадан ортик ноль бўлиши мумкин эмас. Хар бир 7 та нольдан иборат комбинация линиявий коднинг иккита кетма – кетлигидан биттаси билан алмаштирилади. Бунда хам худди НДВ – 3 кодига ўхшаш V символини киритиш йўли билан коднинг ўзгармас таркибини компенсация қилиш йўли билан шарт бажарилади.

Код PST (Paired Selected Ternary) – жуфт селектив учламчи код хам иккиламчи коддаги узун кетма – кетлигидаги нолларни йукотиш хусусиятига эга. Бу кодни қурилиш тамойили иккиламчи коддаги жуфт символни учламчи коддаги жуфт символи билан алмаштиришга асосланган 2.4- жадвалда PST коди келтирилган.

2.4- жадвал

Иккиламчи кодни PST кодига алмаштириш

Иккиламчи код	PST код	Кетма – кетликни танлаш шарти
00	- +	-
01	+ 0	Агар олдинги жуфтлик 01 ёки 10 – 0 ёки 0 – орқали кўрсатилган бўлса
	- 0	-
10	0 -	Агар олдинги жуфтлик 01 ёки 10 + 0 ёки 0 + кўринишда бўлса
	0 +	Агар олдинги 0 1 ёки 10 - 0 ёки 0 – бўлса
11	+ -	-

Бундан ташқари 4 В – 3 Т, MS 43, FOMOT, NRZ, RZ кодлари мавжуд.

NRZ (Non Refurn to Zero) – нолга кайтмаслик коди. Бунда «0» нисбий, «1» – мусбат. Унинг камчилиги :

– ўзгармас таркиби катта;

– такт сигналлари битли оқимда кўрсатилмаган.

Бу код оддий қўлланма талаб килади. У асосан яқин масофага сигнални узатиш учун ишлатилади. Бунда жиҳозлар алоҳида синхронли тизимга эга бўлади.

PZ – нолга кайтиш билан коди.

2.1 – расм. Линиявий код турлари

3 – лаборатория иши

Мультиплексорлар негизидаги фазовий коммутатор

3.1 Лаборатория ишининг мақсади ва мазмуни

Рақамли коммутация тизимларининг фазовий коммутаторлари тузилиши тамойилларини ўрганиш, мультиплексорлар негизидаги фазовий коммутаторлар имкониятларини ва уларни бошқаришни ташкил этишни тадқиқ қилиш.

3.2 Лаборатория ишига топшириқ

Лаборатория ишига тайёргарликда [3, 39-43, 57-60 бетлар], ёки [1, 35-38 бетлар], ёки [2, 164-166 бетлар], ёки ўқув қўлланмани назарий қисмини ўрганиши лозим.

3.3 Лаборатория ишини бажариш тартиби

Берилган маълумотлар (3.1-жадвал) асосида ИКМ 30/32 тизимини қўллаб, NxM параметрли ФКБ ни мультиплексор ёки демультиплексор базасида қуринг. Берилган Х ва У қийматлари асосида коммутация жараёнини ААБ блоки билан бажаринг.

3.1 – жадвал

Вариант номери	Кириш трактининг номери X	Чиқиш трактининг номери Y	Блок параметри nxm	Канала номери i	Элемент базаси
1	2	3	4	5	6
1	6	3	10x12	2	MS
2	7	9	10x10	3	DMS
3	8	4	9x8	4	MS
4	3	2	8x10	5	DMS
5	5	3	8x6	6	MS
6	4	1	6x4	7	DMS
7	1	6	6x6	8	MS
8	2	7	6x8	9	DMS
9	10	8	12x10	10	MS
10	8	3	12x11	11	DMS
11	4	11	10x16	12	MS
12	14	2	16x11	13	DMS
13	16	6	16x10	14	MS
14	12	11	16x14	15	DMS
15	9	4	14x12	16	MS
16	2	8	8x11	17	DMS

3.1-жадвалнинг давоми

1	2	3	4	5	6
17	11	10	12x11	18	MS
18	11	6	14x15	19	DMS
19	13	8	15x13	20	MS
20	9	12	16x13	21	DMS
21	4	10	10x11	22	MS
22	8	1	11x12	23	DMS
23	7	5	10x8	24	MS
24	10	12	10x13	25	DMS
25	12	6	13x11	26	MS
26	6	2	8x7	27	DMS
27	3	14	16x12	28	MS
28	5	13	15x16	29	DMS
29	14	12	14x15	20	MS
30	11	4	11x9	31	DMS

3.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмнинг қисқача мазмуни.

2. Бажарилган иш бўйича олинган маълумотлар.

3.5 Назорат саволлари:

1. РКТ да КМ нинг қурилиш услубининг ўзига хос хусусиятларини тушинтиринг.

2. Фазовий коммутация нима?

3. Уни камчиликлари нималардан иборат?

4. ФКБ қандай элементлар асосида қурилади?

5. Мультиплексор нима?

6. Мультиплексор негизида ФКБ қуриш тамойилини тушинтиринг.

7. Демультиплексор нима?

8. Демультиплексор негизида ФКБ қуриш тамойилини тушинтиринг.

9. Фазовий коммутаторни қандай функционал тугунлар ташкил этади?

10. Мультиплексорлар ва бошқариш ХҚ сининг сонлари нима билан белгиланади?

11. Разрядлар ва бошқариш ХҚ сининг сонлари нима билан белгиланади?

12. Бошқариш ХҚ сининг уячаларида қандай ахборот сақланади?

3.6 Назарий қисм

Мультиплексор негизидаги фазовий коммутаторни ўрганиш

бўйича услубий кўрсатмалар

Фазовий коммутатор (ФК) турли ИКМ линияларининг бирномли вақт оралиқларининг (ВО) коммутациясини таъминлайди, яъни ВО номерини ўзгартирмасдан рақамли сигнални битта рақамли линиядан бошқасига кўчиради. 3.1- расмда мисол тариқасида 0 – киришнинг 30 – ВО си билан (n – 1) чиқувчи ИКМ линиясининг, ҳамда (n – 1) – киришнинг 1 – ВО си билан 0 – чиқувчи ИКМ линиясининг коммутацияси кўрсатилган.

Умумий ҳолда n x m ИКМ линияларининг ФК ишлашини қуйидаги система кўринишида ёзиш мумкин:

бу ерда х_i (i) – i – ИКМ линиянинг i – ВО си;

у_f(i) – j чиқувчи ИКМ линиянинг i – ВО си;

S_ij(i) – i ВО нинг коммутацияланадиган адресини аниқловчи функция.

Мазкур система S_ij адрес бўйича n x 1 туридаги ихтиёрий танловчи схемалар негизида амалга оширилиши мумкин.

3.1-расм. Рақамли сигнални битта рақамли линиядан бошқасига кўчириш

Бундай схема мисолида қуйидаги функцияни амалга оширувчи мультиплексорни келтириш мумкин:

Мультиплексор рақамли оқимларни битта рақамли оқимга бирлаштиришни ва уларни вақт бўйича ажратишни таъминлайди. Мультиплексор n информацион кириш ва битта информацион чиқишга эга (3.2- расм). Ҳар бир вақт онийсида мультиплексор маълум кириш ва чиқиш билан боғланишни таъминлайди. Кириш номери адресли шина (ША) бўйича келувчи ахборот билан аниқланади. Боғланиш эса бошқарув шинасидан (ШБ) келувчи буйруқ бўйича амалга оширилади. Бу боғланиш ША ва ШБ да сигналлар бўлгунча мавжуд бўлади.

3.2 – расм. Мультиплексорнинг тузилиши

ФК мультиплексор негизида бажарилганда бошқарув системасидан адресли (манзилли) ахборот олиш, уни сақлаш ва ИКМ нинг ҳар бир циклида уни ҳисоблаш учун хотирловчи бошқариш қурилмаларига (ХБК) эга бўлиш керак. Бунда, ХБК ҳар бир мультиплексор чиқишига (чиқувчи ИКМ линияга) бириктирилади. ХБК уячаларининг сони ИКМ линиялар ВО сининг сони билан аниқланади. ХБК уячаларига ёзиш бошқарув системаси (кирувчи ИКМ линияларнинг номери) ёрдамида, ҳисоблаш эса чиқувчи ИКМ линиянинг ВО номерига мос синхрон тарзда амалга оширилади. Ўқиш сигнали (ХБК уячаси адреси) такт импульслари (ТИ) таъсири остида ВО ҳисоблагичида ишлаб чиқилади. Ҳисоблагичнинг разрядлилиги рақамли линиянинг ВО лар сони билан аниқланади. ХБК уячалар разрядлилиги эса кирувчи линиялар сони n ҳамда мультиплексорни бошқарувчи қўшимча разряд билан белгиланади, қўшимча разряд мультиплексорнинг махсус киришига келади. Ундан ташқари бу қўшимча разряд О-кирувчи ИКМ линиянинг номери билан машина номи ўртасидаги (коммутация мавжуд бўлганда) фарқни киритиш учун зарур.

Мисол учун 8 х 8 ИКМ линияларнинг ФК си (ҳар бири 32 та ВО дан иборат) учун 8 та мультиплексор ва 8 та ХБК зарур. Ҳар бир ХБК 32 та тўртразрядли уячалардан иборат бўлиши керак. Агар, масалан, бундай ФК да, 2 – кирувчининг 3, 5, 7 – ВО сини ИКМ линиянинг 6 – чиқувчиси билан коммутациялаш зарур бўлсин, у ҳолда ХБК 6 қуйидаги ахборотга эга бўлиши керак:

ХБК уячаси номери 0 : . 3 4 5 6 7 : . 31

ХБК 6 уячаларининг таркиби 0000 : . 1010 0000 1010 0000 1010 : . 0000

К 155 КП 1 мультиплексорида қурилган ФКБ 16 х 16 нинг схемаси 3.3 – расмда келтирилган.

3.3 – расм. 16 х 16 лик ФКБ схемаси

 Буни ишлашини иккита кириш ва иккита чиқиш каналларини коммутациялаш мисолида кўрамиз.

k_КИР. ( S¹₁ , t₃ ) k_исх ( S¹¹ ₁₆ , t₃ )

k_КИР. ( S¹₁ , t₅ ) k_исх ( S¹¹₁ t₅ )

Фазодаги коммутацияни бажариш учун, бошқарув қурилмадан MS мульти-плексорнинг адрес киришига t₃ интервалда 1-чи кириш трактининг адреси f_i (a) бе-рилиши керак, натижада 1 кириш трактининг 3 - каналидаги ахборот 16 - чиқиш трактнинг 3- каналига узатилади. Шунга ўҳшаш t 5 интервалда бошқарув қурилма-дан MS₁ нинг адрес киришига f₁ (a) берилади ва 16 - кириш трактининг 5 – канали-даги ахборот 1 - чикиш трактининг 5- каналига берилади. Агар ФКБ да кириш тракт-лар сони N > 16 булса, мультиплексорли дарахтларни қуриш зарур.
 Хар бир дарахтдаги каскадлар сони коммутацияланаётган трактлар N сони ва ишлатиладиган мультиплексор турига қараб аниқланади. 2– системанинг таҳлили шуни кўрсатадики, хар бир функцияни амалга ошириш f_i (a) адреси бўйича бошқа-риладиган 1 х m туридаги танлаш схемаси орқали амалга оширилиши мумкин. Бундай мисол тариқасида:
      Р = {Z_j=S*X*f_j (a), j = 1,m,     функцияни амалга оширувчи демультиплексор бўлиши мумкин. Бу ерда S – бошқарув сигнали (строб) f_j (a) - t_j чиқиш адреси, Х шу билан коммутацияланадиган кириш.   3.4 – расмда эса ФКБ демуль-типлексорнинг шартли белгиланиши ва 1 х m ФКБ ни амалга ошириш кўрсатилган.

3.4- расм. ФКБ ни демультиплексор асосида қурилиши

Мультиплексор ва демультиплексорлардан ташқари ФКБ КИС ТТЛШ К 156 РК 1 16 х 48 х 8 параметрли дастурланган мантиқий матрица (ДММ) ёрдамида амалга оширилиши мумкин.
 Аналог каналларни фазода коммутациялашни рақамли каналларни коммутациясида коммутациялашдан фарқи рақамли каналлар орасида хам туғри йўналишда, хам тескари йўналишда узатиш / қабул қилиш тракти ҳосил қилинади, яъни рақамли каналларнинг тўлиқ дуплекс боғланиши ўрнатилади.

3.5 - расм. Рақамли каналларни тўлиқ дуплекс боғланиши.

4 – лаборатория иши

Хотирлаш қурилмалари негизидаги вақт коммутатори

4.1 Лаборатория ишининг мақсади ва мазмуни

Рақамли коммутация тизимларининг ХҚ негизида вақт коммутаторларининг тузилиш тамойилларини ўрганиш, ХҚ негизида вақт коммутаторлари имкониятларини ва уларни бошқаришни ташкил этишни тадбиқ қилиш.

4.2 Лаборатория ишига топшириқ

Лаборатория ишига тайёргарликда маъруза матни 6 – бўлим [44–56 бетлар], ёки [1, 38-43 бетлар], ёки [2, 267-272 бетлар], ёки [5, 164-166 бетлар] ёки ўқув қўлланмани ўрганиши лозим.

4.3 Лаборатория ишини бажариш тартиби

Ўз вариантингиз бўйича берилган топшириқни бажаринг (4.1–жадвал). Берилган параметрлар бўйича ВКБ ни қуринг. t_i и t_j вақт каналлари асосида коммутация жараёнини бажаринг. Сўзлашув (Т-М) ва бошқарув (С-М) хотира қурилмаларни ячейка рақамини ва унинг таркибини аниқланг (икки асосли код кўринишида).

4.1 – жадвал

Вариант номери	Блок параметри	Иш режими	Тракта номери	Киришдаги канал номери ti	Чиқишдаги канал номери tj
1	2	3	4	5	6
1	8x8	1	7	2	19
2	16x16	2	10	2	10
3	32x32	1	24	19	25
4	64x64	2	12	12	8
5	16x16	1	8	8	12
6	32x32	2	11	23	6
7	8x8	1	3	9	20
8	16x16	2	2	22	3
9	32x32	1	14	3	11
10	64x64	2	27	17	4
11	8x8	1	6	10	18
12	16x16	2	9	9	2
13	32x32	1	19	27	30

4.1-жадвалнинг давоми

1	2	3	4	5	6
14	64x64	2	28	6	4
15	8x8	1	2	21	27
16	32x32	2	30	30	21
17	64x64	1	42	4	26
18	8x8	2	1	21	7
19	32x32	1	25	12	20
20	64x64	2	49	25	8
21	8x8	1	5	24	28
22	32x32	2	23	7	4
23	16x16	1	12	14	19
24	64x64	2	54	24	12

4.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмдан қисқача мазмуни.

2. Бажарилган иш бўйича олинган маълумотлар.

4.5 Назорат саволлари

1. Вақт коммутацияси нима?

2. Унинг камчиликлари ва афзалликларини келтиринг.

3. ВКБ қандай элементлар асосида қурилади?

4. ХҚ мавжуд бўлган турларини келтиринг.

5. ХҚ негизида вақт коммутаторини қандай асосий функционал тугунлар ташкил этади?

6. Вақт коммутатори ахборот хотира қурилмасининг қандай иш режимлари мавжуд?

7. Информацион хотира қурилмаси уячаларининг разряди ва номери нима билан белгиланади?

8. Вақт коммутациясида ахборот кечикиши (тутилиб қолиши, ушланиб қолиши) нима билан белгиланади?

9. Нимага асосланиб ХҚ тури танланади?

10. Нега динамик ХҚ кўпроқ ишлатилади?

4.6 Назарий қисм

ХҚ негизида вақт коммутаторларини ўрганиш бўйича

услубий кўрсатмалар

Вақт коммутатори (ВК) ИКМ линияларининг турли вақт оралиқларини (ВО) коммутациясини таъминлайди, яъни битта рақамли линия чегарасида рақамли сигнални битта ВО дан иккинчисига кўчириш тушунилади. Ахборотни келиш ва узатилиш оний вақтлари вақт жиҳатидан ажратилганлиги туфайли, вақт коммутацияси жараёни албатта ахборотни сақлашни ўз ичига олади. Вақт бўйича коммутация жараёни 4.1- расмда кўрсатилган.

Замонавий рақамли коммутация тизимларидаги ВК ларда ахборотни сақлаш функцияси сақланаётган ахборотга эркин имкониятлик билан ахборот хотира қурилмаси (АХҚ) ёрдамида амалга оширилади. Бунда ВК ни тузиш тамойилларига боғлиқ равишда, АХҚ иккита режимда ишлаши мумкин: кетма-кет ёзувда ва ихтиёрий танловда. Биринчи ҳолда ИКМ линияларнинг вақт оралиқларида келувчи ахборот АХҚ уячаларига кетма-кет ёзилади ва уячанинг номери кирувчи ИКМ линиянинг ВО номерига мос келади. Ихтиёрий танловда АХҚ нинг маълум уячасига мурожаат этилади, унинг адреси бошқарув системасидан келади. Иккинчи ҳолда ИКМ линиянинг вақтли оралиқларида келувчи ахборот, ХБК уячаларга бошқарув системасидан келувчи адресга мос ёзилади, уларнинг рақами чиқувчи ИКМ линиянинг коммутацияланадиган ВО сига мос келади. Ахборот ўқилганда АХҚ уячаларидан 0 – уячадан бошлаб чиқувчи ИКМ линияга кетма-кет ўқилади.

4.1- расм. Вақт бўйича коммутация жараёни.

Мазкур лаборатория ишида ВК тузилишининг фақат биринчи варианти қурилади. ХҚ негизида ВК амалга оширилганда АХҚ нинг хотира ҳажми, унинг тезкорлигини аниқлаш керак, ахборотни киритиш-чиқариш усулини танлаш керак. АХҚ нинг хотира ҳажмини аниқлашда ИКМ линиянинг ВО сони ва ИКМ сигналнинг кодли комбинациясидан келиб чиқиб амалга оширилади:

бу ерда С – кирувчи ИКМ линияларнинг сони;

l - кодли комбинация разряди.

30/32 ИКМ тизимининг бирламчи ИКМи учун АХҚ 32 та саККиз разрядли уячадан иборат бўлиши керак, яъни V – 256 бит бўлиши керак.

Вақт коммутацияси жараёни ахборотни ёзиш ва уни ўқиш битта ВО давомида АХҚ га икки маротаба қилишни талаб этади. Бу ҳолда АХҚ га мурожаат қилиш вақти қуйидагича аниқланади:

бу ерда Т_ц – ИКМ тизимининг цикл вақти,

С – кирувчи ИКМ линиянинг ВО сони.

ИКМ 30/32 тизими учун:

, яъни

ВК нинг АХҚ си тезкорлигига бўлган талаб етарли даражада юқоридир. Уларни қондириш учун мос равишда элемент базасини ёки схемали ечимлардан фойдаланиш керак. Бундай схемали ечимлардан бири сифатида иккилик хотира усули ҳисобланади, бунда иккита бир хил АХҚ блоки ишлатилади, уларда ёзиш ва ўқиш вақтлари вақт бўйича ажратилган.

Ахборотни киритиш-чиқариш усулини танлаш масаласи ахборотни ИКМ линияси бўйича ВК га кетма-кет рақамли оқим кўринишида келишидадир, ва агар уни АХҚ уячаларига ёзиш уни келишига қараб бажарилса, у ҳолда Т_ц ИКМ га тенг вақт зарур бўлади, бу эса аппаратли қисмни ва унинг тезкорлигини оширишни талаб қилади. Шунинг учун ВК киришида ахборотни кетма-кетлик шаклидан параллел шаклга ўтказиш ва ВК чиқишида тескари ўзгартиришлар амалга оширилади. Бу функциялар мос равишда кетма-кет параллел ўзгартиргичда (ККПЎ) ва параллел-кетма-кет ўзгартиргичда (ПККЎ) бажарилади.

Мисол тариқасида ККПЎ тузилишини кўриб чиқамиз. ККПЎ А ва В регистрлардан ташкил топган (4.2. а -расм), улар С₀ ва С_т импульслар кетма-кетлиги ёрдамида бошқарилади (4.2. б - расм). Силжитувчи регистр А рақамли линия бўйича келувчи кодли комбинацияларни С₀ импульслар бошқаруви остида қабул қилади. Битта ВО нинг кодли комбинацияси тўла қабул қилинганда, С₁ импульслар кетма-кетлиги импульси бошқаруви остида А регистрдан В регистрга уни қайта ёзилиши амалга оширилади, шундай қилиб кейинги кодли комбинацияни қабул қилиш учун А регистр бўшатилади. Сунгра В регистрдан ахборот АХҚ га туширилади. ПККЎ нинг тузилиши ҳам айнан шундай.

ВК нинг бир номли ВО ларининг коммутация жараёни вақт диаграммаси 4.3 – расмда келтирилган. Вақт диаграммасидан кўриниб турибдики, ВК коммутация жараёнида ҳеч бўлмаганда иккита ВО ни ушлаб қолиш киритилади, бу эса чиқувчи ИКМ линиядаги ВО счети кирувчи ИКМ линиядан иккита ВО га кечикишига олиб келади. Коммутация жараёнини тактлаш аппаратли воситалар ёрдамида амалга оширилади, бу ВК киритадиган ушлаб қолишларни инобатга олмаслик имконини беради.

4.2-расм. ККПЎ тузилиши.

4.3 – расм. ВК нинг бир номли ВО ларининг коммутация жараёни вақт диаграммаси

Бошқарув тизимидан адресли ахборотни қабул қилиш, уни сақлаш ва ҳисоблаш учун бошқарув хотирлаш қурилмаси (БХҚ) ишлатилади. БХҚ уячалар сони чиқувчи ИКМ линиянинг ВО лари сони билан белгиланади, бунда уяча номери ВО номерига мос келади. БХҚ уячалар разряди кирувчи ИКМ линияларнинг ВО сони билан белгиланади. Шундай қилиб, БХҚ уяча номери чиқувчи ИКМ линиянинг номерига мос келади, унинг таркиби эса – кирувчи ИКМ линиянинг ВО номерига мос келади.

ВК нинг ишини кирувчи ИКМ линиянинг 5 – ВО си билан чиқувчи ИКМ линиянинг 2 – ВО си уртасидаги коммутация мисолида кўриб чиқамиз. ИКМ линиялар 32 тадан ВО га эса кирувчи ИКМ линиянинг 5 – ВО си давомида кодли комбинация ПСПР да кетма-кетлик кўринишдаги шаклдан параллел шаклга ўзгартирилади. Кирувчи ИКМ линиянинг 5 – ВО сининг биринчи ярмиси давомида ахборот АХҚ нинг навбатдаги циклида, чиқувчи ИКМ линиянинг 3 – ВО сининг иккинчи ярми давомида БХҚ нинг 2 – уячасидан адресли ахборот ҳисобланади (00101) ва АХҚ уячасидан ПРПС регистрига ахборот қайта ёзилади. Кирувчи ИКМ линиянинг 4 – ВО си давомида, бу чиқувчи ИКМ линиянинг 2 – ВО сига мувофиқ келади, ахборот ПРПС дан чиқувчи ИКМ линияга кетма-кет ҳисобланади.

Шундай қилиб, ВК да боғланишни ўрнатиш ёки узиш жараёни бошқарув системаси орқали БХҚ уячасига зарур ахборотни ёзиш ёки ўчиришга келтирилади.

5 – лаборатория иши

Қурама КБ лар

Хотирлаш қурилмалари негизида фазо-вақт коммутатори

5.1 Лаборатория ишининг мақсади ва мазмуни

Рақамли коммутация системаларининг ХҚ лари негизида қурама коммутаторлар тузилиш тамойилини ўрганиш, ХҚ негизида қурама коммутаторлар имкониятларини ва уларни бошқаришни ташкил этишни тадқиқот қилиш.

5.2 Лаборатория ишига топшириқ

Лаборатория ишига тайёргарликда [1, 43–50 бетлар], ёки [2, 104-106 бетлар], ёки [3, 272-290 бетлар], ёки [4, 166 –173 бетлар] ёки ўқув қўлланмани ўрганиши лозим.

5.3 Лаборатория ишини бажариш тартиби

Ўз вариантингиз бўйича берилган топшириқни бажаринг (5.1–жадвал). Берилган параметрлар бўйича қурама Ф-В КБ ни қуринг. Берилган N _{кир ИКМ}, N _{чиқиш ИКМ}, N_ВИ

қийматлар асосида коммутация жараёнини бажаринг.

5.1 – жадвал

Вариант номери	Блок параметри	N кир ИКМ	NВИ	N чиқиш ИКМ	NВИ
1	8x8	1,3,4,8	2,6,9,15	2,5,6,7	5,10,19,28
2	16x16	4,8,12,14	3, 7, 10, 18	5, 10,12,16	4, 6, 18, 27
3	32x32	5,8,15,30	10,20,25,30	4,10,20,29	8,15,22,29
4	64x64	10,20,30,40	11,22,25,29	11,12,44,60	5,15,20,26
5	16x16	5,9,11,15	4,8,11,19	6,12,14,18	5,10,19,28
6	32x32	4,10,16,20	11,21,26,29	3,9,19,28	7,14,21,28
7	8x8	2,5,6,7	5,8,11,17	1,3,4,8	4,9,18,26
8	16x16	3,9,13,15	4,8,11,19	6,11,15,16	5,7,19,28
9	32x32	5,11,16,20	15,21,28,29	4,9,19,29	6,15,22,26
10	64x64	11,21,31,41	10,21,24,28	10,12,46,63	6,15,23,26
11	8x8	3,6,7,8	5,8,12,17	2,3,5,8	4,10,18,26
12	16x16	4,9,11,15	5,8,10,19	6,10,11,18	5,10,18,28
13	32x32	6,11,16,20	15,21,22,29	4,9,20,29	6,15,22,26
14	64x64	11,19,36,41	10,26,27,28	10,13,46,63	6,19,23,29
15	8x8	1,6,7,8	2,8,12,15	2,3,6,8	9,10,18,26

5.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмдан қисқача мазмуни.

2. Бажарилган иш бўйича олинган маълумотлар.

5.5 Назорат саволлари

1. Қурама коммутация дегани нима?

2. ХҚ негизида қурама коммутаторларни қандай ташкил этади?

3. Қандай шароитларда АХҚ ва БХҚ негизида қурама коммутатор олиш мумкин?

4. Қурама коммутаторнинг коммутацион параметрлари нима билан белгиланади?

5. АХҚ уячаларининг номер ива разряди нима билан белгиланади?

6. БХҚ уячалари сони ва разряди нима билан белгиланади?

7. АХҚ ва БХҚ ни ташкил этишни қандай вариантларини келтириш мумкин?

5.6 Назарий қисм

ХҚ негизида қурама коммутаторларни ўрганиш бўйича

услубий кўрсатмалар

Қурама коммутатор (КК) ихтиёрий кирувчи ИКМ линиянинг ихтиёрий ВО сини ихтиёрий чиқувчи ИКМ линиянинг ихтиёрий ВО си билан коммутациясини таъминлайди. 5.1 – расмда мисол сифатида, 0 – кирувчи ИКМ линиянинг 30 – ВО си билан (n-1) – чиқувчи ИКМ линиянинг j – ВО си ўртасидаги коммутация, ҳамда (n-1) – кирувчи ИКМ линиянинг 29 – ВО си ўртасидаги коммутация кўрсатилган.

5.1 – расм. Коммутация жараёни

Қурама фазо-вақт коммутаторини оддийроқ равишда 5.2-расмда кўрсатилгандек вақт коммутаторлари (ВК) негизида тузиш мумкин.

2.2 – расм. Вақт коммутатори

Қурама коммутаторнинг (КК) бундай тузилишида коммутация қуйидагича амалга оширилади: Кирувчи ИКМ линиядан келувчи информация барча ВК вертикалларининг информацион хотирлаш қурилмасига ёзилади, ВК вертикал номери кирувчи ИКМ линиянинг номерига мос келади, информация фақат талаб қилинаётган чиқувчи ИКМ линия билан боғлиқ бўлган ВК дан ва зарур ВО га ҳисобланади. Бироқ ХҚ нинг бундай равишда тузилиши жуда катта аппаратли харажатларни талаб қилади. Масалан, 32 каналли ИКМ линияларнинг 8х8 КХ си учун ҳар бири саккизразрядли уячага эга бўлган 32 тадан 64 та АХҚ керак бўлади, яъни АХҚ нинг умумий хажми 2048 та саккиз разрядли уячадан иборат бўлади.

КК ни ишлатиш янги замонавий технологияларни яратилганлиги туфайли мумкин бўлди, у универсал тезкор КИС (катта интеграл схема) дан ташкари махсус КИС ларни ҳам ёзиш имконини беради. ХҚ нинг етарли даражада тезкорлигида КК ни ВК тамойили бўйича тузиш мумкин, яъни битта АХҚ ва битта БХҚ га эга бўлган. Бунга рақамли оқимларни мультиплексорлаш ҳисобига эришилади, улар бир нечта кирувчи рақамли линиялар бўйича.

5.3 – расм. Қурама коммутация блокида коммутация.

Мультиплексорлаш ва демултиплексорлаш учун КХ га нечта рақамли линиялар уланган бўлса шунча қўшимча импульслар кетма-кетлиги (d_n) керак бўлади. Бу импульслар кетма-кетлиги вақт бўйича бир-бирига нисбатан информация узатишнинг параллел қисмида каналли оралиқдаги катталиККа силжитилган бўлиши керак, у қуйидагича аниқланади:

= Т_ц/n * p

бу ерда T_ц – ИКМ циклининг узунлиги; n – рақамли линиялар сони; р – битта рақамли линиянинг ВО сони. Бу каналли оралиқ вақт ичида АХҚ га информацияни ёзиш ва уни ўқишни амалга ошириш зарур. Лекин бу ҳолда ХҚ нинг тезкорлигига жуда катта талаблар қўйилади, масалан, 32 та ВО дан иборат 32х32 рақамли линияларнинг КК си учун

,

яъни 122 нс, демак АХҚ га мурожаат қилиш вақти 60 нс.ни ташкил этади. КК ни бундай ташкил этишда АХҚ n кирувчи ИКМ линияларнинг барча ВО ларига келган ИКМ информацияни цикл давомида сақлайди. АХҚ уячаларидан ахборотни ёзиш ёки ўқиш БХҚ да хотирланувчи адрес бўйича амалга оширилади. АХҚ нинг уячалар сони N кирувчи ИКМ линияларнинг N=n x 32 йиғинди сони билан аниқланади. АХҚ ва БХҚ турли усуллар билан тузилиши мумкин. Шулардан иккитасини АХҚ га синхрон ёзиш режими ишлатилганда кўриб чиқамиз.

Биринчи ҳолда АХҚ уячалари қуйидагича тақсимланади: 0 – уячадан бошлаб тартиб бўйича барча n кирувчи ИКМ линияларнинг 0 – ВОларнинг ахборотини ёзиш учун ажратилади, сўнгра навбатдаги тартиб бўйича келувчи уячалар барча n кирувчи ИКМ линияларнинг 1 – ВО ларнинг информациясини ёзиш учун ажратилади, ва х.к..

Бунда АХҚ уяча номери қуйидагича аниқланади:

бу ерда i – k-кирувчи ИКМ линия ВО сининг номери;

n – кирувчи ИКМ линиялар сони;

БХҚ уяча номери худди шундай усулда аниқланади.

яъни:

бу ерда: l – k чиқувчи ИКМ линия ВО сининг номери;

m – чиқувчи линиялан сони; k – чиқувчи ИКМ линия номери.

Масалан, 8х8 ИКМ линиялар КК Сида 2-кирувчи ИКМ линиянинг 3 – ВО сини 1 – чиқувчи ИКМ линиянинг 7 – ВО си билан коммутация қилиш зарур бўлсин. Унда АХҚ уяча номери i = 3*8+2=26 га тенг, БХҚ уяча номери эса j = 7*8+1=57 га тенг бўлади. Шундай қилиб, мазкур боғланишни таъминлаш учун 57 – номерли БХҚ уячасида 26 сони ёзилган бўлиши керак.

Иккинчи ҳолда 0 – дан 31 гача номери бўлган АХҚ уячалари 0 – кирувчи ИКМ линиялари бўйича келадиган информацияни ёзиш учун ажратилган, 32-дан 63-гача уячалар 1-кирувчи ИКМ линиядан келувчи информацияни ёзиш учун ва х.к. АХҚ уяча номери бунда қуйидагича аниқланади:

,

бу ерда k – кирувчи ИКМ линиянинг номери;

р – ИКМ линиянинг ВО номери;

i – k-чиқувчи ИКМ линиянинг ВО номери.

Масалан, 8х8 ИКМ линияларнинг КК си учун 2-кирувчи ИКМ линиянинг 3 – ВО си билан 1-чиқувчи ИКМ линиянинг 7 – ВО сини коммутациялаш зарур бўлсин. АХҚ уяча номери бу ҳолда:

i = 2*32+3=67 га,

БХҚ уяча номери эса

j = 1*32+7=39 га тенг бўлади.

Шундай қилиб, бу боғланишни таъминлаш учун 39-номерли БХҚ уячасига 67 – сони ёзилган бўлиши керак.

6 –лаборатория иши

Аналог абонент линияларининг модули ва унинг

структуравий схемаси. BORSCHT функцияси

6.1 Лаборатория ишининг мақсади ва мазмуни

        Абонент интерфейсини бажарадиган вазифасини, уни схемасини (релели ва электрон вариантини), рақамли коммутация тизимларининг концентраторлари вазифаларини, концентрация коэффициентларини ва уларнинг блок схемаларини бажарадиган вазифаларини ўзлаштириш зарур.

6.2 Лаборатория ишига топшириқ

Лаборатория ишига тайёргарликда [1, 92-103 бетлар], ёки [5, 113-135- бетлар], ёки [6, 66-67 бетлар] ўрганиш лозим.

6.3 Лаборатория ишини бажариш тартиби

Ўз вариантингиз бўйича берилган топшириқни бажаринг. Вариант бўйича дастлабки маълумотлар 6.1 – жадвалда келтирилган.

6.1 - жадвал

1. Абонент интерфейс қурилмасини релели варианти чизмаси асосида қуйидаги занжирларни чизинг ва тушунтиринг.

	2	3	4	5
ТА ни манба билан таъмин-лаш чизмаси	Абонент А ни абонент линия шлейфини на-зорат қилиш чизмаси	Рақам териш занжир чизмаси	Тестлаш занжири	АРЎ ва РАЎ занжир чизмаси

2. Абонент интерфейс қурилмасини электрон вариант GSLB ни блок схемаси асосида қуйидаги занжирларни чизиб вазифасини ёзинг ва тушунтиринг.

6	7	8	9	10
Супервизор қурилмаси	Дифференциал система	Қўнғироқ чизмаси	Батареяли таъминот	Тест қурилмаси

3. DTS – 1100 А ва DTS – 2000 тизимларининг концентраторларини топшириқда берилган концентрация коэффициенти бўйича чизинг ва тушунтиринг.

11	12	13	14
2:1	4:1	8:1	16:1

6.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Дарсга тайёрланиш учун берилган саволлар қисқа ёзилган бўлиши керак.

2. Абонент интерфейсининг релели ва электрон вариантлари блок схемаси чизилган бўлиши керак.

6.5 Назорат саволлари

1. Абонент интерфейсини вазифаси тушинтиринг.

2. BORSCHT функцияси келтиринг.

3. АИ блок схемасининг келтиринг

4. Ҳар бир қисмини бажарадиган вазифасини тушинтиринг.

5. Ҳар бир функцияни бажарувчи элементни кўрсатинг.

6. Абонент интерфейсининг ишлаш жараёнини тушинтиринг.

7. Абонент интерфейсининг релели кўринишини электрон вариантидан бир-бирини фарқи қандай?

8. Абонент интерфейсининг ишлаш жараёнини тушинтиринг.

9. Концентратор вазифасини айтинг.

10. Концентраторнинг концентрация коэффициенти нимага асосланиб танланади?

6.6 Назарий қисм

Абонент интерфейси ва концентротор тузилишини ўрганиш.

Абонент интерфейсининг бажарадиган функцияси

        Абонент қурилмаси қуйидаги функцияларни бажаради:

1. Станцияни чақириш, яъни абонентдан сигнални қабул қилади ва кодланган кўринишда станцияга узатади;

2. Станциянинг жавоб сигналини қабул қилади ва абонент учун қулай бўлган шаклга келтиради.

3. Адрес ахборотини абонентдан қабул қилиб, уни кодлайди ва линияга узатади;

4. Адрес ахбороти қабул қилишни тугалланганлиги ҳақидаги сигнални ва станцияга бу ахборотни тахлил натижасини қабул қилади;

5. Абонентдан ахборотни қабул қилишга станция тайёр сигналини қабул қилади;

6. Абонентдан ахборотни қабул қилиб, уни керакли кодга айлантиради ва линияга узатади;

7. Линиядан сигнални қабул қилади, уларни қайтадан кодлайди ва абонентга яроқли шаклга айлантиради.

8. "А" абонентдан озод (отбой) сигналини қабул қилиб, уни ўзгартиради ва линияга узатади;

9. Линиядан станция озод ёки "Б" абонент озод сигналини қабул қилиб, абонентга яроқли шаклга айлантиради;

10. "Б" абонентдан чақирув сигналини станция томонидан қабул қилади ва абонентга яроқли шаклга айлантиради;

11. "А" абонентдан жавоб сигналини қабул қилиб, уни ўзгартиради ва станция томон узатади.

        Бу энг кам функциялар тўпламини, тармоқ коммутация тизими туридан ва булар орқали узатиладиган ахборот кўринишдан қатъий назар хохлаган абонент қурилмаси бажаради. Рақамли коммутация тизимида аналог абонент линиясидан келаётган ва у томон берилиши керак бўлган ахборот коммутация майдонидан ўтказиб бўлмайди. Чунки коммутация майдонидан фақат рақамли сигналлар ўтиши мумкин. Шунинг учун абонент комплектига жуда кўп функция юкланади. Яъни ҳамма аналог сигналлар шу комплект орқали берилиши керак. Бошқача айтганда аналог абонент линия билан рақамли станция туташган жойи туташ жойи (стык) деб аталади. Бу туташ жойидан алоқа тизими орқали сигналлар билан алмашиш алгоритми қоидаларини аниқ бажаришида алоқа тизими ва сигналлар тизими бирлиги интерфейс деб аталади.

Станция оммавий хизмат кўрсатиш тизимида ўз ролини бажариши учун интерфейсларни стандартлаш керак. Телефон ва телеграф бўйича халқаро маслахат қўмитаси дунё бўйича барча ишламаларнинг тажрибаларидан умумий қилиб, ҳар хил турдаги абонент қурилмалари ва станция учун стандартлар ишлаб чиқди. Масалан, аналог телефон аппарати, рақамли ТА учун. Абонент интерфейси бажарадиган функциялар тўплами станция билан абонентнинг ўзаро хамкорлик баёнида акс топган ва BORSCHT абрревиатураси (қисқартма сўзлар) билан белгиланади (6.1 - расм) .

6.1 - расм. Абонент интерфейс қурилмасини релели варианти

В - станция томонидан батареяли таьминот (24 В, 48 В, 60 В);

О - катта кучланшидан сақлаш (> 170 В);

R- чақириқ сигналини узатиш (25 Гц, U = 90 ?110 В)

S - супервизор - абонент линиясидаги ток холати ҳақидаги ахборотни шлейф оркали қабул қилиш (сканерлаш ва бошқариш);

С - аналог сигнални рақамли сигналга айлантириш ва тескариси (кодлаштириш ва декодлаштириш КОДЕК);

Н - сигналларни фильтрлаш, 2 симли трактни 4 симлига ўтказиш (дифсистема)

Т - абонент линиясида синаш ва ўлчовлар ўтказиш, станциядан узиш (тест синовлари).

        Абонент интерфейсининг элемент базаси яратувчи фирмага боғлиқ. Кўпинча чақириқ сигналларни юбориш ва тест синовларини ўтказиш герконли реле ёрдамида бажарилади. Дифсистема ва фильтрлаш функциясини дифференциал трансформатор бажаради. Кодекни битта абонент линиясига ўрнатиш жуда қимматга тушади. Шунинг учун, КОДЕК абонентлар гурухига ўрнатилади. Яъни кодлаш ва сигналларни вакт интервалига олиб ўтиш функциясини гурухли қурилма бажаради. Бу қурилманинг биттаси 64 та интерфейсга мўлжалланган.

        Абонент интерфейси ва гурухли қурилма абонент модули деб аталади. Баъзи бир абонент интерфейслари бутунлай микросхема асосида ишлаб чиқилган (Япония). Релели вариант станция хажми нархининг 70% ни ташкил қилади, микросхемада эса 40 % ни ташкил қилади.

        Абонент интерфейсининг схемаси қуйидагилардан иборат:

- чақириқ сигнали юбориш учун ПВ релесидан;

- тест синовига АЛ олиш учун Т релесидан;

- КТ1 шлейф токини назорат нуқтасидан;

- абонентни чақириққа жавобини белгиловчи назорат нуқтасидан (КТ20);

- сканерлаш ва бошқариш қурилмасидан;

- фильтрлаш ва дифсистемасидан;

- кучланиш коммутаторидан;

- КОДЕК дан (гурухли қурилма) дан;

- Катта кучланишдан сақловчи 2 та диоддан;

- АЛ манба берувчи қурилмадан.

        Абонент интерфейсини (АИ) ва гурухли қурилма ишини, абонент модулининг бошқарув қурилмаси бошқаради. Битта платада 8 та (16 та) АИ жойлашади. Буларни бир нуктадан туташтирилиб абонент модули ҳосил қилинади. Кучланиш коммутаторида АИМ гурухли тракти ҳосил қилинади КОДЕК дан кейин ИКМ тракти ҳосил бўлади.

Рақамли абонентнинг интерфейс қурилмаси

        Абонент линиясининг интерфейс платаси GSLB деб аталади. GSLB нинг блок схемаси 6.2 - расмда келтирилган

        GSLB платаси, абонент линия ва МАТС лар билан уланган. Платага дискли ТА ва кўп частотали (MFC) ТА ва купчастотали сервис хизматлари уланиши мумкин. GSLB ALID аппарат блокига қуйилади. GSLB интерфейси абонент линияси билан КС ўртасида мослама вазифасини бажаради ва BORSCHT функциясини бажаради. Схемадаги TEST IN - ички станция тести, TEST OUT - ташқи абонент линия тести

        Битта платада 16 та абонент интерфейси жойлашади. Ҳар бир абонент линияси ўзининг кодек ва бошқарув буферига эга.

        Тест қурилмасидаги К2 - релеси қуйидаги вазифаларни бажаради:

- абонент линияни улаш - узиш, банд қилиш, изоляция ҳолати ва кувватини ўлчаш;

- TIP, Ring ( а ва в) линияларнинг созлигини аниқлаш;

- Абонент чақириғида ва абонент жавоб холатини ва рақам тергич импульс параметрларини ўлчаш;

- Киритилган шовқинларни ва линияда қисқа туташув (К*3) холатини ўлчаш;

- "а" ва "в" симлар ўртасида линиянинг қаршилик шлейфини ва изоляция қаршилигини ўлчаш;

- К3 - релеси қуйидаги вазифаларни бажаради:

- Сўзлашув трактида чақириқ қисмининг частотали характеристикасини ва сўниши холидаги сатхини ўлчайди.

- Чақирув токи интерфейс қаршилигининг турли хил шовқинларини ўлчайди.

(6.3 - расм).

6.2- расм. GSLB блок схемаси

6.3 - расм. Тест қурилмаси

        Тест қурилмаси қуйидаги 8 та параметр бўйича текширув ўтказади:

1. Абонент линия номерини

2. Абонент линиясининг ишга яроқли ва яроксизлигини

3. Станция тайёр сигналини (СТ) улайди ва узади.

4. Қўнғироқ ва тон қурилмаларини текширади.

        Батареяли таъминот (манба) (6.4- расм) Абонент линиясининг электр манбаи билан таъминлайди.

6.4 - расм. Батареяли таъминот

Дифсистема узатиш трактини қабул қилиш трактидан ажратади ва узатувчи ва қабул қилувчи қисмини сўзлашув трактига улайди. ДС - ярим ўтказгичли компонентлардан қурилган икки - симли абонент линиясидан уни 4 - симли икки йўналишда ўтказади. (Rx ва Tx). Д.С. занжари баланс схемаси асосида қурилган бўлиб, узатувчи ва қабул қилувчи қисмида оқаётган ток амплитудалари бир - бирига тенг ва қарама-қарши фазада бўлади.

6.5 - расм. Дифсистема

       Баланс системаси қабул қилувчи сигнални узатувчи охирги қисмида оқаётган сигналдан химоя қилади. Қўнғироқ занжири - Ringing (6.6 - расм).

6.6 - расм. Қўнғироқ чизмаси

        Қўнғироқ занжири абонент линиясини 20 Гц ли чақириқ сигнали билан таъминлайди. КА ва КВ - уланиши билан дифсистемага қўнғироқ кучланишини тушмаслигини таъминлайди.

КОДЕК фильтр билан РАЎ ва АРЎ вазифасини бажаради ва бу СОМВО қурилмасида жойлашган.

        СОМВО қуйидаги функцияларни бажаради:

- Сигналларни узатиш ва қабул қилиш;

- Кодлаштириш коррекция қилиш.

        Супервизор: aбонент линиясининг қуйидаги электр холатларини назорат қилади:

- Трубка кўтарилган;

- Трубка ричагли ўзгартиргичнинг устида;

- Рақам-тергич импульс параметрларини;

- Техник хизмат ва эксплуатацияни тестлашни.

Концентратор структураси (DLC)

        Концентратор абонент линия юкланишини зичлаштириш қилиш учун ишлатилади. Зичлаштири коэффициенти 2:1; 4:1; 8:1; 16:1; нисбатда бўлади. Абонент интерфейсидан кейин концентратор ўрнатилади. Унинг схемаси 6.7 - расмда кўрсатилган.

6.7 - расм. Концентратор DLC нинг тузилиши

DLC концентраторнинг 32 кириши ва 8 чиқиши бор (яъни бу ерда нисбат 4:1 тенг). Бу концентратор DTS - 1100 А да ишлатилади. 32 та кириш қуйидагича тақсимланган.

0 - 15 - абонент интерфейсидан

16 - 23 - ГИ (SW) блокидан

24 - 27 - RSS дан

28 - 31 - ички синхронлаш ва сигналлаш учун ишлатилади.

       Концентратор DLC қуйидаги блоклардан ташкил топган. (6.8 - расм)

6.8 - расм. Концентратор тузилиши

1. ДДС – дистрибютер; 2. MUX - мультиплексор ;3. ITX - вақт коммутатор ;

4. ДАР - аттюнюатор ; 5. ДМХ - демультиплексор ; 6. PGC - назорат қурилмаси

Чизмадаги ДДС (дистрибютер) такт генератори бўлиб қуйидаги частота ва импульслар кетма-кетлигини чиқаради.

СР0 - 32768 МГц , СР1 - 16384 МГц , СР2 - 8192 МГц , СР3 - 4096 МГц ,

СР4 - 2048 МГц , СР5 - 1024 МГц , СР6 - 512 Мгц, СР7 - 256 Мгц

СР8 - 128 Мгц , СР9 - 64 Мгц , СР10 - 32 Мгц , СР11 - 16 Мгц , СР12 - 8 Мгц

DLC концентратордаги хар бир блокнинг вазифаларини кўриб чиқамиз.

1. Мультиплексор MUX. Мультиплексор ёрдамида 32 - SHW бирламчи рақамли оқимни 125 МКС давомида 1024 каналга зичлаштириб беради.

6.9 - расм. MUX нинг блок схемаси

       Мультиплексорнинг ишлаш жараёнини вақтли диаграммаси 6.10-расмда келтирилган.

6.10-расм. Мультиплексорнинг ишлаш жараёнини вақтли диаграммаси

       Циклни бошланишидаги импульслар буферга тушади. Буферда рақамли оқим SHW ни синхронлаш ва синфазлашдан ўтиб, фазаси бўйича тўғриланади. S/ P - LATCH - беркитиш регистрга келган кетма-кет кодли сўзлар параллелга кодга ўгирилиб беркитиш регистрдан бир вақтда 8 Бит ахборот ўтказилади.

       125 Мкс давомида MUX хамма SHW0 ... SHW31 трактдаги "0" каналларни ўтказади. Кейинги циклда шу трактларининг 1 каналларини ўтказади ва хакозо…

2. DLC да вақтли коммутация жараёни 6.11 - расмда келтирилган.

6.11-расм. DLC да вақтли коммутация жараёни

       ITXB да вақтли коммутациянинг блок схемаси 6.12 - расмда келтирилган. Бошқарув хотирасига ахборотлар МП дан келади. Ёзув ихтиёрий, ўқиш эса кетма-кет бажарилади.

Т - М - ёзиш - кетма - кет

Ўқиш - ихтиёрий

С - М - ёзиш ихтиёрий

Ўқиш - кетма - кет

6.12 - расм.ITXB да вақт коммутациянинг блок схемаси

       Вақтли коммутация ишлаш жараёнининг вақтли диаграммаси 6.13-расмда келтирилган.

6.13-расм. Вақт коммутация ишлаш жараёнининг вақт диаграммаси

AD - 0 - 15 - 16 та сим орқали БХ га адрес юкланади. Биринчи адрес, кейин маълумот келади.

БХ га маълумот DE сигнали оркали киритилади.

SEL - сигнали вақт канални танлаш учун.

SRD - сигнали С-М ни холатини билдиради.

SWR - сигнал LP да С-М га маълумотлар ёзилишини билдиради.

       Бошқарув сигналларини формати 6.14-расмда келтирилган.

6.14-расм. Бошқарув сигналларини формати

       Ёзиш тезлигини камайтириш учун Т-М ККи қисмдан иборат бўлади.

Ёзиш	0 - 1023	Ўқиш	1024 - 2047
Ёзиш	1024 - 2048	Ўқиш	0 - 1023

       Ёзув 0 - 1023 га биринчи бажарилади худди шу вақтда 1024 - 2048 дан ўқилади.

Демультиплексор (DMX)

        Демультиплексорда, MUX га нисбатан тескари жараён содир бўлади, яъни Т-М дан параллел равишда келган 1024 сўзлашув канали, кетма-кет равишда 32 та каналга айлантирилади.

6.15 - расм. Демультиплексор DMX

7 – лаборатория иши

Рақамли АТС ларнинг умумлаштирилган структуравий

схемаси ва чақирувларга хизмат кўрсатиш тартиби

7.1 Лаборатория ишининг мақсади ва мазмуни

Рақамли АТСлар тизимида бошқариш тамойилларини,
унинг тизим модулларини (блокларини) ўзаро ҳамкорлигини ва уларга мос равишда бошқариш қурилмаларининг функцияларини, турли хил чақириқларга хизмат кўрсатиш кетма-кетлигини аниқлашни ўрганишдан иборат.

7.2 Лаборатория ишига топшириқ

Лаборатория ишига тайёргарликда қуйидаги адабиётлардан[1, 19-31 бетлар], ёки [2, 90-93 бетлар]ни ўрганиш лозим.

7.3 Лаборатория ишини бажариш тартиби

Ўз вариантингиз бўйича берилган топшириқни бажаринг. Вариант бўйича дастлабки маълумотлар 7.1 – жадвалда келтирилган.

Келтирилган назарий қисмдан фойдаланиб, қуйидаги вариант асосида чақириққа хизмат кўрсатиш фазалар кетма-кетлик чизмасини чизинг.

7.1 – жадвал

1	2	3	4	5
Абонент "А" гўшакни кўтарди	Абонент "А" СТС ини эшитди	Абонент "А" "Б" абонент рақамини терди.	"Б" абонентга "ЧС" (ПВ) "А" абонентга ЧСН (КПВ)	"Б" абонент жавоб бермади.

6	7	8	9	10
"Б" абонент чақириққа жавоб берди.	"А" абонент биринчи бўлиб гўшакни қўйди.	"Б" абонентга "Банд" сигна-лини узатиш	"Б" - абонент биринчи бўлиб гўшакни қўйди	"А" абонентга банд сигналини узатиш

7.4 Лаборатория иши бўйича ҳисобот

      Кўрсатилган адабиётлар ва ўқув қўлланманинг назарий қисмидан фойдаланиб, рақамли АТСларнинг тавсифи, концентраторнинг функционал схемаси, таянч станциянинг функционал схемаси, чақириққа хизмат кўрсатиш фазалар кетма-кетлигини КМ орқали уланишини кўрсатиш керак. Берилган дастлабки маълумотлар асосида бажарилган лаборатория ишининг ҳисоботи.

7.5 Назорат саволлари

      1. Аналогли коммутациядан рақамлига ўтиш эволюциясини тушунтиринг.
2. Рақамли АТСнинг базали модулини тушунтиринг.
     3. Рақамли АТСда неча тур функционал подтизимларга бўлинади.
     4. Электрон АТСлар КМ тузилиши бўйича нечта синфга бўлинади.
     5. Рақамли АТСларда БК-ларини қайси тур тамойиллари ишлатилади.
     6. Интеграл рақамли телефон тармоғини ташкил этиш учун неча тур коммутация тугунларига эга бўлиши мумкин.
     7. ИРАТ структурасини чизинг.
8. Концентраторнинг вазифаси.
     9. Концентратор структураси.
     10. Таянч станциянинг вазифаси.
     11. Таянч станциясининг структураси.
    12. Таянч станциянинг КУ сига қайси қурилмалар киради?
     13. Таянч станциянинг ОУ сига қайси қурилмалар киради?
     14. Таянч станциянинг БК сига қайси қурилмалар киради?
     15. Тарнзит тугун вазифаси.
     16. Рақамли АТСнинг ишлаш жараёнини тушунтиринг.
     17. Рақамли АТСда алоқа ташкил қилиш жараёнини 1чи босқичини тушунтиринг.
     18. Рақамли АТСда алоқа ташкил қилиш жараёнини 2чи босқичини тушунтиринг.
     19. Рақамли АТСда алоқа ташкил қилиш жараёнини 3чи босқичини тушунтиринг.
      20. Рақамли АТСда алоқа ташкил қилиш жараёнини 4чи босқичини тушунтиринг.
      21. Рақамли АТСда алоқа ташкил қилиш жараёнини 5чи босқичини тушунтиринг.
      22. Концентраторнинг аниқлагич қурилмасининг вазифаси.
23. Концентраторнинг КМ қандай усулда тузилган.
      24. Электрон АТСнинг КМ структураси.

7.6 Назарий қисм

Рақамли АТСларининг соддалаштирилган структуравий схемаси, вазифаси ва чақириққа хизмат кўрсатиш тартиби

Агар коммутация станциянинг коммутация майдони, фақат рақамли сўзлашув ахборотларини, бошқарув сигналларини ва командаларни коммутация қилса, бундай коммутация станция – рақамли деб аталади.

Аналогли сигналлар ҳам рақамли станцияда коммутацияланиши мумкин, лекин бу ҳолда аналог-рақамли (А/Р) ва рақам-аналогли (Р/А) конверторлар (ўзгартиргичлар) ишлатилиши лозим.

Аналогли коммутациядан рақамлига ўтиш учун эволюцияси 7.1-расмда келтирилган. 7.1 а)-расмда аналогли абонент ва боғловчи линиялар билан аналогли АТС лар кўрсатилган.

7.1- расм. Аналог (а) ва рақамли (б)АТСнинг базали модели

7.1-расм б) босқичида рақамли коммутаторлар бошқа рақамли коммутаторлар билан рақамли боғловчи линиялар орқали ўзаро ҳамкорлик қилади, бунда аналогли абонент линияларини ва боғловчи линияларни ишлатиш мумкин, лекин албатта аналог-рақамли ва рақамли-аналог ўзгартиргичлардан фойдаланганда, бироқ коммутатиция майдони рақамли бўлиши керак, бу станцияда фақат рақамли сигналларни коммутациялаш кўзда тутилади.

Коммутация майдони процессор ва мос контроллерлар бошқаруви остида каналлар ва тракатлар қайта улайди, сўнгра линиявий ва хизмат модуллари интерфейслар контроллерлари ва тақсимланган дастурий бошқарув тушунчалари киритилади.

7.1-расмда келтирилган соддалаштирилган рақамли АТСда қуйидаги функционал подсистемаларни ажратиш мумкин:

- Абонент линияларнинг модули;

- Коммутация майдони;

- Боғловчи линияларнинг модуллари;

- Бошқарув системаси.

Бу чизмага (7.1-расм) кросснинг ускунаси тушмаган (MDF) – бу жойга станцияга кирувчи барча абонент линиялари уланади. Кросс икки томонга эга: вертикал ва горизонтал. Вертикал томонга: - абонент кабеллари. Горизонтал томонга: абонент модулларидан келадиган линиялар уланади.

Амалда вертикал (кабелли жуфт) ва горизонтал (станциядан келадиган жуфт) томон билан боғланиш абонент номерини белгилайди. Бошқа худди шундай қурилма тақсимловчи магистрал шитдир (ТDF) – бу АТС га уланадиган барча боғловчи линиялар жойидир.

ТDF – одатда, кроссга (MDF) нисбатан кичикдир, ҳамда иккита вертикал ва горизонтал томонларга эга АТС ускунасига одатда электр таъминот қурилмаси, у кучланиш конверторлари мажмуасидан аккумлятор батареялардан ва станция ускунасининг аварияли таъминот манбаларидан иборатдир.

Электрон АТСлар КМ (коммутация майдони) тузилиши бўйича икки синфга бўлиниши мумкин:

- Аналог КМ-ли ЭАТС;

- Рақамли КМ-ли ЭАТС.

Аналогли КМ фазовий, частотали ва импульс-вақт турида бўлиши мумкин. Электрон АТСларнинг фазовий КМ-ни, электромеханик АТСларнинг КМ-сига ўхшаш структурага эга бўлиб, фарқи фазода жойлашган коммутация нуқталари электрон элементларда бажарилган бўлади.

Умуман олганда фазо КМли ЭАТС интеграл рақамли алоқа тармоқларида коммутацион тугун (тугун) сифатида энг қуйи звенода ишлатилиши мумкин. Бироқ амалиётда бундай ЭАТСлар электрон контактларнинг номукаммаллиги туфайли ва сезиларли даражада техник-иктисодий кўрсатгичлари КЭАТСларга нисбатан ёмон бўлгани учун қўлланилмаяпти.

Рақамли КМлар ИКМни ишлатиш билан каналларни вақт-бўйича ажратиш асосида тузилиши мумкин.

ИКМ ўзгартириш тамойили бўйича рақамли КМ билан тузилган электрон АТС лар интеграл рақамли алоқа тармоқларини ташкил этиш учун асос бўлади.

Билвосита бошқарув тамойили бўйича тузиладиган барча электрон АТСлар регистрли ускуна мавжудлиги билан характерланади. Бунда бошқарув қурилмаларини тузишнинг иккита тамойили ишлатилади:

- монтажланган дастурли.

- ёзилган дастурли.

Ёзилган дастурли тамойил бўйича бошқарув электрон бошқарув машиналари (ЭБМ) орқали амалга оширилади. Бу ҳолда АТСнинг ишлаш дастури ЭБМ нинг хотирлаш қурилмасига ёзилади ва хотирланади. Электрон АТСларнинг ёзилган дастур тамойили бўйича ишлайдиган бошқарув қурилмасининг бутун структурасини қуйидаги учта асосий турга бўлиш мумкин:

- марказлаштирилган;

- марказлаштирилмаган;

- аралаш (қурама).

Ёзилган дастур тамойили бўйича бошқарувли АТСнинг характерли хусусияти бу станция асосий ускунасининг таркибида ЭБМдан ташқари (ЭБМни МБК қурилмасидай қараш мумкин) ПО (ОУ) оралиқ ускуна – АТС ларнинг ўзаро ҳамкорлигини таъминлайдиган коммутацион ва бошқарувчи қурилмалар ўртасида боғловчи звено бўлиб хизмат қилади.

Интеграл рақамли телефон тармоғини ташкил этиш учун икки турдаги коммутацион тугунларга эга бўлиш етарлидир:

- импульс-вақтли коммутация майдонли электрон АТСлар, бу ерда сўзлашув ахборот – аналог-рақамли ва рақамли-аналог ўзгартиришлар амалга оширилади.

- рақамли КМли электрон АТСлар, улар тармоқда жойлашишига қараб туман, тугун ва шахарлараро АТС функциясини бажариши мумкин.

Концентратор ва рақамли ЭАТСнинг умумлашган

структуравий схемаси

Интеграл рақамли алоқа тармоғи (ИРАТ) деганда, коммутация майдонлари каналларнинг вақт бўйича бўлиниш тамойили бўйича тузилган коммутация тугунларидан (КУ); ИКМ ўзгартирувчи аппаратура билан жиҳозланган боғловчи линиялардан ташкил топган алоқа тармоғига тушунилади. Коммутация ускунасини бошқариш ЭБМ ёрдамида амалга оширилади.

ИРАТ ташкил этилишда концентратор – К; таянч станциялар – ТС; ва транзит тугунлар – ТТ дан фойдаланиш кўзда тутилади (7.2-расм).

7.2- расм. ИРАТ структураси.

К - концентраторлар подстанциялар функциясини бажаради ва уларга уланган ахборот манбаларидан келувчи телефон юкланмасини концентрациялаш (зичлаштириш) учун мўлжалланган.

Концентратор сифатида ВРК- (КВТ – каналларни вақтли таксимлаш) АИМ ли ЭАТС лар ишлатилади. Айнан шу ерда товушли ахборотни аналог-рақамли ва рақамли-аналогли ўзгартиришлар амалга оширилади.

Одатда концентраторлар ўзларининг таянч станцияларидан сезиларли даражада олис масофага жойлаштирилган бўлади ва уларга ИКМ аппаратураси билан жиҳозланган узатиш системасининг боғловчи линиялари (СЛСП - УТБЛ) ёрдамида уланади. Айрим ҳолларда, агар бу мақсадга мувофиқ бўлса, концентраторлар таянч станцияда ҳам жойлашиши мумкин. Таянч станциялар (рақамли ЭАТС) ИРАТ ўрта звеносининг КТси бўлиб амалда туман АТСидир.

Ҳар бир ТС унга уланган конценраторлар гурухи ўртасида ўзаро алоқани таъминлайди. Тугунлар ташкил этилмаган телефон тармоқларида ТСлар ўртасида боғланиш «ҳар бири ҳар бири билан» тамойили асосида УТБЛлар бўйича амалга оширилади.

Йирик телефон тармоқларида ТСдан ташқари тугунлар станцияларни ўрнатиш мақсадга мувофиқдир, уларнинг функцияларини ИРАТда транзит тугунлар (ТТ) бажаради, улар ИРАТ юқори звеносининг КТ сидир. ТС ва ТТлар ўртасида тамойилини фарқи йўқ. Улар фақат КМ блок сони билан фарқланиши мумкин, - дегани улар УТБЛлар сони ва ЭБМ нинг ишлаш дастури билан фарқ қилади деганидир, агар ТС ва ТТ да бир хил турга мансуб ЭБМ ишлатилса. ИРАТ нинг бундай структуравий тузилишида битта концентратордан иккинчисига УТБЛ дан ахборот узатиш ва ТС ва ТТларда коммутация рақамли шаклда амалга оширилади. Кўрилаётган ИРАТ структурасининг ахамиятли томони шундаки, унда унча катта бўлмаган қийинчиликларсиз рақамли ТС ва ТТ лар АШТС ларининг вазифаларини бажариш учун мослаштирилиши мумкин.

Концентратор ва таянч ЭАТСнинг умумлаштирилган структуравий схемаси 7.3 ва 7.4 расмларда кўрсатилган.

7.3-расм. Концентратор структураси.

7.4- расм. Таянч ЭАТСнинг структураси.

Концентратор ВРК-АИМ туридаги ЭАТС, таянч станция эса рақамли ЭАТС бўлиб, ИКМ сигналларнинг коммутациясини таъминлайди. К ва ТС нинг барча ускунасини 3 та асосий гурухга бўлиш мумкин:

1. КУ – (КО) коммутацион ускунаси.

2. ОУ – (ПО) оралиқ ускунаси.

3. БУ – (БУ) бошқарув ускунаси.

Концентраторнинг асосий ускунасига ИКМ ўзгартирувчи аппаратурасини киритиш лозим. Концентраторнинг коммутацион ускунаси – КТ коммутацион майдон – КМ ва унга уланган абонент комплектлари АК дан иборат. КМ – импульс – вақтли турдаги бўлиб, 30 та импульсли каналларни коммутация қилишга ҳисобланган, уларнинг ҳар бири концентраторнинг ихтиёрий абонентга боғланиш ўрнатиш вақтига ва сўзлашувга берилиши мумкин. Коммутация тўртсимлик схема бўйича амалга оширилади. Ўтишни АКда жойлашган стандарт дифференциал система таъминлайди.

Концентраторни таянч станция билан боғловчи линия ўзгартириш аппаратураси – УА орқали концентраторнинг КМ-сига уланади: Узатиш йўналишида АРЎ (АЦП) ва РАЎ (ЦАП) қабул қилиш йўналишида ИКМ-30 аппаратураси билан жиҳозланган боғловчи линия бўйича бир вақтнинг ўзида 30 та сўзлашувни амалга ошириш мумкин.

Алоқа ишончлигини ошириш учун концентраторни иккита УТБЛ (СЛСП) ёрдамида таянч станциясига улаш керак, шу билан концентраторнинг КМ-сида барча абонентлар учун 60 та (30*2) импульсли каналларни тўла имконли улаш схемаси таъминланади. Бу ҳолда 0.7 га тенг бўлган канални ўртача ишлатишда иккита УТБЛ нинг ўтказиш қобилияти у=42 Эрл. бўлади. Абонент линиясида а=0.08 Эрл.га тенг солиштирма юкланиш бўлганда концентраторнинг максимал сиғими 525 линияни ташкил этади. Битта УТБЛ (СЛСП) ишдан чиққан ҳолида бутун юкланишни ўзига бошқа УТБЛ олади. Бунда хизмат кўрсатиш сифати ёмонлашади, бироқ концентраторнинг таянч станция билан алоқаси камаядию концентраторнинг оралиқ ускунаси (ОУ) учта функционал қурилмадан иборат:

- А – аниқлагич;

- ККМБК – концентраторнинг коммутация майдонини БК;

- АККУА – ахборотни қабул қилиш ва узатиш аппаратураси (7.3- расмга қаралсин).

Аниқлагич динамик типда бўлиб, сканирлаш тартибида автоном (мустақил) ҳолда ишлайди ва мунтазам равишда концентраторнинг барча АК-лар ҳолатини назоратлайди. У абонентлардан вужудга келадиган чақирувлар вақтини аниқлаш учун «отбой» вақтини шлейфни узиш ва бу тўғрисидаги ахборотни концентраторнинг бошқарув блокига КББ узатиш учун мўлжалланган (7.3-расм).

Концентраторнинг КМ-сини бошқарув қурилмаси абонентга боғланиш ўрнатилишининг бутун вақт давомида ва сўзлашувга ҳамда «отбой»дан сўнг ўрнатилган боғланишни узишга бўш импульсли канални таъминлайдиган қурилмадир. У фақат КББ буйруқлари бўйича ишлайди. Буйруқ фақат УТБЛ номерига ва импульсли канал номерига, АК адресига ва боғланиш ўрнатиш жараёни ёки узиш жараёни операцияси кодига эга бўлиши керак. Буйруқ қисқа муддатда берилади, чунки КББ навбатдаги буйруқни бергандан сўнг дархол бошқа чақирувларга хизмат кўрсатиш учун бўшатилиши зарур. Шунинг учун АККУА хотира блокига эга бўлиши керак, унда ишга туширилган импульсли каналларнинг номери хотирланади.

Сигналли ахборотни қабул қилиш ва узатиш аппаратураси концентраторнинг бошқарув қурилмаси ва таянч станцияси ўртасида сигналлар алмашинуви учун мулжалланган.

Ҳар бир УТБЛ да сигналлар алмашинуви учун 16 канал ажратилган, у умумий сигналлаш канали (УСК) функциясини бажаради. Шунинг учун АККУАнинг концентратори ўзгартириш аппаратураси оркали таянч ЭАТСга сигналларни узатиш учун УТБЛ узатувчи қисмининг 16 канали билан ва таянч станцияси томонидан келадиган сигналларни қабул қилиш учун УТБЛ қабул қилувчининг 16 вақт бўлаги билан боғланган бўлиши керак.

Концентраторнинг бошқарувчи қурилмаси 7.3-расмда келтирилган, бу қурилма сифатида микропроцессор ишлатилиши мумкин. У фақат таянч ЭАТСнинг бошқарув қурилмаси (ЭБМ) билан ўзаро ҳамкорликда ишлайди. Унинг асосий функциялари қуйидагича чақирувлар ёки «отбой» сигналларини аниқлагичдан қабул қилиш, бу тўғрисида мос ахборотни шакллантириш ва таянч станциянинг ЭБМига бу ахборотни узатиш учун АККУАни бошқариш, АККУА орқали ЭБМ дан бошқарув буйруқларини олиш ва уларни ККМБКга узатиш.

Таянч ЭАТСнинг коммутация майдони умумий кўринишда (7.4. расм)

L – кириш ва L – чиқишлардан иборат квадратли коммутатордир (LxL).

КМ киришлари концентраторлардан келувчи тўртсимлик УТБЛнинг узатувчи қисмини ёки бошқа таянч ЭАТСларни улаш учун, КМ чиқишлари эса ушбу УТБЛ ларнинг қабул қилувчи қисмларини улаш учун ишлатилади. Коммутация майдони ихтиёрий бирлашмаларда УТБЛнинг кирувчи ва чиқувчи импульсли каналларининг коммутациясини таъминлаши зарур.

Ҳар бир УТБЛ рақамли каналларнинг гурухли трактидир. КМ кириш ва чиқишларидаги боҳловчи линиялар махсус комплектлар «К» - орқали уланади, КМ-нинг кириш томонида улар гурухли трактдан индивидуал (якка) рақамли каналларни гурухли трактга бирлаштириш вазифасини бажаради.

Таянч ЭАТСнинг ОУ-си таркибига қуйидагилар киради:

- АККА – ахборотни қабул қилиш аппаратураси;

- АУА – ахборотни узатиш аппаратураси;

- КМБК – коммутация майдонини бошқариш қурилмаси;

- АСУ – акустик сигналларни узатгич;

- НАКК – номерланган ахборотни қабул қилгич.

АККА таянч станциянинг КМ-сига уланган барча УТБЛ-лар бўйича сигналли ахборотни мувофиқ равишда қабул қилиш ва узатишни таъминлайди. Бу ахборотни УКС бўйича келиши ва узатилиши туфайли АККА ва АУА барча УТБЛ ларнинг 16 та каналларига «К» - комплектлар орқали уланиши зарур. Агар КМга L та УТБЛ уланган бўлса, унда АККА L та киришга АУА эса L та чиқишга эга бўлиши керак.

Таянч ЭАТСнинг КМ-сини бошқаришни КМБК-си амалга оширади. Бу мураККаб қурилма ЭБМ нинг буйруқлари бўйича ишлаб каналлар мажмуасидан ихтиёрий i – кирувчи рақамли канал билан ихтиёрий канал ўртасида ички станцион боғланиш трактини вужудга келтириши керак, яъни товушли ахборотга эга бўлган кодли гурухларни бир вақт оралиғидан бошқасига кўчиришни таъминлайди. КМБК-нинг ўрнатилган боғланишни бутун сўзлашув давомида буйруқ бажарилгандан сўнг ушланиб туриш керак, шунинг учун у оператив хотира блокига эга бўлиши керак. ЭБМ буйруғи бўйича КМБК отбой сигналини олгандан сўнг ўрнатилган боғланиш трактини бузиши керак.

Рақамли ЭАТСларда КИ кўп звеноли структурага эга ва блокли структура бўйича тузилади. Шунинг учун битта умумий КМБК эмас, КМ блоклар сони бўйича бир нечта бўлиши мақсадга мувофиқдир. ЭАТСнинг баъзи системаларида КМБК конструктив равишда рақамли КМ-нинг блоклари билан бирлаштирилади, бироқ КМ га ёки КМБКга тегишли элементлар ёки тугунларни доимо функционал тарзда ажратиб олиш мумкин.

Таянч ЭАТСнинг ОУсига тегишли АСУ ва НАКК умумстанцион хизмат комплектларининг функциясини бажаради. АСУ-и боғланиш ўрнатилиши жараёнида абонент узатаётган барча акустик сигналларни шакллантириш учун мўлжалланган, яъни станция жавоби, бандлиги, тонал чақирув, чақирув импульсини назоратлаш.

Станциянинг КМ-сида бу сигналлар фақат рақамли шаклда коммутацияланиши мумкинлиги учун, АСУ чиқишда кодер типидаги АРУ ўрнатилади. АСУ нинг узи эса УТБЛ орқали КМнинг алохида киришига уланади. Бу ҳолда битта АСУ бир вақтнинг ўзида 30-тагача чақирувларга хизмат кўрсатиши мумкин.

КМ УТБЛ АСУ-нинг ихтиёрий каналига ихтиёрий чиқувчи рақамли канал билан тўла имконли алоқани таъминлаши зарур.

НАКК рақамли шаклда УТБЛ-нинг сўзлашув каналлари бўйича узатиладиган концентраторлар абонентларининг номерли ахборотини қабул қилиш учун мўлжалланган. Бу холда рақамли шаклга концентраторда ўзгартириладиган «2 тадан 6 та» частотали кодни телефон аппаратидаги тастатурали тергични ишлатиш таклиф қилинади.

Номерли ахборотни қабул қилгич УТБЛ орқали КМ нинг алоҳида чиқишига шундай уланадаки, бунда ихтиёрий кирувчи рақамли канал ва НАККнинг ихтиёрий УТБЛ канали билан боғловчи йўл ўрнатилишига имконият бўлиши керак.

Таянч ЭАТСнинг ЭБМ-ига келаётган номерли ахборотнинг қандай шаклда келишига боғлиқ равишда (рақамли ёки частотали), НАКК-нинг турли схемавий вариантлари ишлатилиши мумкин.

Биринчи ҳолда қабул килинаётган номернинг рақамлари НАККда рақамли шаклда қайд қилиниши ва ўзгартирилмасдан ЭКМга узатилиши керак.

Иккинчи ҳолда номернинг рақамлари частотали кодда қайд қилинади. Бунинг учун УТБЛ рақам-аналогли (декодер) ўзгартиргич орқали НАКК га уланади. Битта НАКК бир вақтнинг ўзида 30 та кирувчи рақамли каналлар бўйича ахборотни қабул қилиши мумкин.

Туманлаштирилган телефон тармоқда бир неча таянч ЭАТСлар (ҳамда транзит тугунлар) мавжуд бўлса, унда номерли ахборот алмашинувини ташкил этиш лозим. Бу ҳолда оралиқ ускуна – ОУ таркибида НАКК дан ташқари номерли ахборотни узатгичга ҳам эга эга бўлиши керак.

Концентраторлар ва ИРАТ таянч станцияларининг ОУ – қурилмаларининг структураси уларнинг функционал вазифалари билан аниқланади, ҳар бир турнинг умумий қурилмалари сони коммутация тугунининг сиғимига, хизмат кўрсатилаётган юкланишга ва берилган йўқотишлар меъёрига боғлиқ бўлади. Баъзи қурилмалар ўзларининг функцияларини бошқарувчи ускуна командалари бўйича бажариши туфайли, уларнинг ҳаммаси хотирага эга бўлиши керак. ОУ нинг БК билан алоқаси умумстанцион шина бўйича амалга оширилади, бу 5.3 ва 5.4 расмда қалин чизиқлар билан кўрсатилган.

Ҳар бир шина кучайтиргич ва мувофиқлаштирувчи қурилмадан иборат электр занжирлари мажмуасидир. Ҳар бир занжир ЭБМ дан ОУ қурилмаси ёки тескари йўналишда битта бит ахборотни узатишни таъминлайди. Шунинг учун битта шинадаги электр занжирлар сони узатиш зарур бўлган ахборотнинг битлар сони билан аниқланади. Ахборот одатда параллел усул билан узатилади. ЭБМ дан ОУ қурилмаларига периферик буйруқлар адресли шиналар бўйича узатиладиган ва ОУ қурилмаларидан келадиган ахборотни ЭБМ қабул қилиши учун ишлатиладиган жавоб шиналарига ажратишади.

ОУ нинг барча қурилмалари шиналарга параллел уланади, бироқ бошқариш жараёнида ЭБМ ни бир вақтнинг ўзида фақат битта БУ (У.О.) қурилмаси билан ўзаро ҳамкорлиги таъминланади.

Таянч ЭАТСнинг бошқарув қурилмаси бошқарув комплексидан иборат бўлиб унинг асосини махсус электрон бошқарув машинаси (ЭБМ) ташкил этади, у таянч станцияга уланган ҳамма концентраторлардаги, таянч станциядаги хизмат кўрсатиш жараёнларини бошқаради, ҳамда концентраторни бошқариш блоки (КББ) ишини бошқаради.

ЭБМ га таянч ЭАТС ва концентраторларни техник хизмат кўрсатиш билан боғлиқ функциялар ҳам юклатилади.

ЭБМ қурилмаларининг тамойиллари кейин батафсил баён қилинади. Чақирувларга хизмат кўрсатишда таянч станциясида барча коммутация ва бошқариш жараёнлари катта тезликда ва қатъий чекланган вақт оралиғида бўлиши зарур, бу вақт рақамли каналларнинг вақт ҳолати учун станциянинг коммутацион ва оралиқ ускунасининг мантиқий блокларининг иши тактлаш режимида ташкил этилади. Бунинг учун юқори стабиллик (юқори барқарорлик) тактли импульслар кетма-кетлигини сериясини ишлаб чиқадиган умумстанцион импульсли-генератор ишлатилади (УИГ).

Рақамли ЭАТСларда чақирувларга хизмат кўрсатиш жараёни

7.3 ва 7.4 - расмларда келтирилган структуравий схемадан фойдаланиб, таянч станциянинг турли концентраторларига уланган иккита абонентлар ўртасидаги боғланиш ўрнатилиши жараёнини умумий ҳолда кўриб чиқамиз.

«А» чақирувчи абонентнинг концентратори битта УТБЛ орқали таянч станция 1 – КМ сининг кириш ва чиқишига, чақирувчи «Б» абонентнинг концентратори эса L – КМ нинг кириш ва чиқишига уланган бўлсин.

«А» абонент микротелефон трубкани олганда концентраторнинг А аниқлагичи чақирув сигнали борлигини аниқлайди (абонент линияси шлейфининг туташуви) ва бу тўғрисида бошқарув блокига (ББ) хабар беради. ББ чақирувчи абонент АК сининг номерини аниқлайди ва сигналли сўзни шакллантиради, у АК номери ва чақирув сигнали тўғрисидаги ахборотга эга бўлиши керак. Бу ахборот УТБЛ нинг узатувчи қисми АУКК ёрдамида УКС бўйича (16 – импульсли канал) иккилик кодида таянч станцияга узатилади, у ерда АКК да қабул қилинади ва сўнгра ЭБМ сига тушади.

Шуни назарда тутиш кераККи, битта импульсли канал бўйича битта цикл давомида (Т_ц = 125мкс) факат саККиз битли ахборотни узатиш мумкин. Сигналли сўз ҳар доим кўпрок битга эга, шунинг учун у бир неча цикллар давомида 8 бит билан қисмлаб узатилади. Таянч станциянинг электрон бошқарув машинаси қабул қилинган сигналли сўз бўйича «А» абонентнинг концентратори номерини билиб олади ва оператив хотиранинг маълумотларидан фойдаланиб бу концентратор КМ-сининг умумий занжиридаги мавжуд бўш импульсли каналларни аниқлайди. Бўш каналлардан бирини танлаб, масалан i – канални, ЭБМ жавоб сигналли сўзни шакллантиради, бунда i – канал оператив хотирада банд деб белгиланади. «А» абонент концентратори номери тўғрисида, унинг АК номери тўғрисида ва танланган i – канал номери тўғрисидаги ахборотга эга жавоб сигналли сўз, АУА си орқали УТБЛ1 – нинг қабул қилувчи 16 – канали бўйича абонентни чақирган концентратор томонига узатилади. Бу ерда у АУККА да қабул қилинади ва КББга тушади. КББ ККММБК га «А» - абонентни УТБЛ – нинг i каналига улаш тўғрисидаги буйруқни узатади, бу канал мазкур концентраторни таянч ЭАТС билан боғлайди. ККМБК – Ушбу буйруқни амалга оширади. КББ эса бўшайди. Шуни ёдда тутиш керакки, УТБЛ – нинг узатувчи қисми киришга, қабул қилувчи қисми эса таянч станциянинг КМ чиқишига уланади. Таянч станциянинг ЭБМси концентраторга бошқарув буйруғини узатиб, переферик ПБ буйруқларини КМБК, АСКК ва НАКК га узатиш учун шакллантиради.

КМБК-га иккита ички станцион рақамли боғловчи йўлларни (ИРБЙ) КМ да ўрнатиш учун иккита переферик буйруқ (ПБ) узатилади: биттаси «А» абонент концентраторига (ИРБЙ) УТБЛ1-нинг қабул қилувчи i – канал ва АСКК нинг i – канал ўртасида, ҳамда УТБЛ1 нинг узатувчи қисмининг i – канал ва УТБЛ нинг НАҚҚ (ИРБЙ) ўртасида. АСҚҚ га ПБ станциянинг жавоб сигналини улаш учун узатилади, НАҚҚ – ПК га эса ИРБЙ бўйича номерни қабулга тайёрлаш учун узатилади. Барча БК лар бажариши натижасида А абонентга «тайёр» сигнали юборилади, терилаётган абонент Б нинг номери НАҚҚ да қайд қилинади.

Биринчи рақам қабул қилиш вақтида ЭБМ АСУ да «Тайёр» сигналини узатишини таъминлаши зарур; бунда ИРБЙ КМ да сопрегается НРКК дан номерли ахборотни қабул қилгач, ЭБМ уни тахлиллайди, талаб қилинаётган концентратор номерини узатади ва чақирилаётган Б абонент номери бўйича шу абонент линиясининг ҳолати оператив хотира маълумотлари бўйича аниқланади. Агар линия банд бўлса ЭБМ АСҚҚ га ИРБЙ га уланиш учун «банд» сигналининг ПБ ни беради, бу сигнал А абонентга юборилади. Агар Б абонентнинг линияси бўш бўлса, унда ЭБМ Б абонент концентраторининг УТБЛ га бўш канални қидиради (оператив хотира маълумотлари бўйича).

j канал бўш деб фараз қилайлик. Бу йулни танлаб, ЭБМ уни банд деб белгилайди ва Б абонент концентраторининг КБҚига бошқарувчи ахборотни узатиш учун шакллантирилади. Бу ахборот АУА оркали УГБЛ нинг қабул қилувчи қисмининг 16 – канали бўйича узатилади ва АППИ концентраторида қабул қилинади, ҳамда Б абонентнинг АК номерини ва (j) каналнинг номерини ўз ичига олади.

Бошқарув командасининг амалга ошириб, КБҚ УЦКПК ёрдамида

Б абонентнинг АК сини УТБЛ қабул қилувчи қисмининг j – канали ўртасида боғловчи линия ўрнатишга БК ни шакллантиради, ҳамда ПНИ га аввал ўрнатилган ИРБЙ 2 ни бузиш учун БК ни шакллантиради. ЭБМ ПАС га 2 та БК ни узатади: 1 тасини АСУ нинг j канали бўйича чақирилган сигнални узатиш учун, натижада ИРБЙЗ бўйича абонент Б га чақирув юборилади, бошқаси эса чақирув импульсини назоратлаш сигналини УТБЛ АСУ нинг i канали бўйича юбориш учун (бу сигнал А абонентга ИРБЙЛ бўйича юборилади). Ундан ташқари, ЭБМ Б абонентнинг жавобидан сўнг КМ га сўзлашув трактини улашга рухсат беради, ҳамда УУКП га ИРБЙ 1 дан ИРБЙ3 га борувчи боғловчи линияларни бузиш учун БК ни узатади. Ундан ташқари ЭБМ СЛСП АСҚҚ даги i ва j каналларнинг бушатилишини ва чақирув сигналларини узатишни таъминлайди, таянч станциядаги КМ да КМБҚ ёрдамида бутун сўзлашув давомида 2 та ички станцион рақамли боғловчи линияларни ушлаб туришни таъминловчи элементлар уланиб туради, яъни ИРБЙИ УТБЛ1 узатиш трактининг i канали ўртасида А абонентдан Б абонентга товушли ахборот коммутацияси амалга оширилади (рақамли шаклда). ИРБЙ5 УТБЛ1 узатиш трактининг j канали ва СЛСП 1 қабул трактининг i – канали ўртасида товушли ахборотни тескари йўналишда узатиш учун.

Абонентлар бири томонидан отбой бўлганда концентратор аниқлагичи отбой сигналини қабул қилади. ЭБМ ўз станциясининг КМ сидаги ИРБЙ4 ва ИРБЙ5 ларни бўшатади ва отбой қайд қилинган УКҚ концентратор КМ сидаги сўзлашув трактини бўшатишга бошқарув буйруғини узатади. Хали отбой бермаган бошқа концентраторнинг абонентига «банд» сигналини юбориш зарур. Бунинг учун ЭБМ КИОС га агар 1-чи бўлиб абонент Б отбой берган бўлса ИРБЙ 1 ни улашни, агар отбой А абонентдан келган бўлса ИРБЙ2 ни улашни ташкил этади. «Банд» сигнали ЭБМ буйруғи бўйича АСУ дан САПС АСҚҚ нинг канал бўйича ИРБЙ 1 га ёки СЛСП АСҚҚ нинг j канали бўйича ИРБЙ2 га юборилади. Шундан сўнг 2-чи абонент отбой бериши билан, ОС да ва концентраторда узиш жараёни баён этилганга ўхшаш бўлади. Баён этилгандан келиб чиқадики, концентраторлар абонентлари ўртасида боғланиш ўрнатилиши жараёнида таянч станциянинг коммутация майдонида кетма-кетлик таркибида бир нечта рақамли ички станцион боғловчи йўллар ҳосил бўлади. Бошқа сўз билан айтганда таянч ЭАТС да (рақамли) чақирувларга хизмат кўрсатиш жараёни бир неча босқичлардан иборат бўлади, уларнинг ҳар бирида 1 та аниқ функционал вазифа бажарилади. Кўрилган ҳолда 5 та босқични ажратиш мумкин:

1 босқич – станциянинг жавоб сигналини чақирувчи абонентга юбориш. Бу функцияни бажариш учун коммутация майдонида (5.3-расм) ИРБЙ 1 ҳосил қилинади;

2 босқич – номерли ахборотни қабул қилиш. КМ да ИРБЙ 2 хосил килинади.

3 босқич – чакирувни юбориш (абонент бўш бўлган ҳолда) КМ да 2 та боғловчи йўлга эга бўлиш зарур: ИРБЙ3 чақирилаётган абонентга чақирув сигналини юбориш учун ва ИРБЙ 1 чақирилаётган абонентга назорат сигналини юбориш учун .

4 босқич – абонентларнинг сўзлашуви. Бу босқич учун КМ да 2 та боғловчи йўллар ИРБЙ 4 ва ИРБЙ 5 ларнинг мавжудлиги характерлидир.

5 босқич – 1 томонлама отбой «банд» сигналини юбориш КМ АПС да 1 неча боғловчи йўллардан фойдаланиб кўрсатиш ва уни узиш усули кўп босқичли номни олди.

Чақирувларга хизмат кўрсатишнинг кўп босқичли усулининг характерли боғловчи йўлнинг, одатда, кейинги босқичга ўтишда бузилишидадир.

Босқичлар сони функционал хизмат кўрсатиш жараёнида лозим бўлган вазифалар сони билан белгиланади ва турли боғланишлар учун (тўпланган ёки тўпланмаган сўзлашувлар) ва турли станциялар (таянч ёки транзит турлича бўлади) рақамли АТС ларда кўп босқичли хизмат кўрсатиш жараёни квант электрон станцияларга нисбатан сезиларли даражада фарқ қилади, бу фарқ шнурли ва линиявий комплектларнинг ахборотни рақамли шаклда тўрт симли узатиш ва коммутациялаш системасининг мавжуд бўлмаганлиги, турли вақт оралиқларида жойлашган рақамли каналлар ўртасида коммутация майдонида боғловчи линияларни ҳосил қилиш зарурлигидир.

8-лаборатория машғулоти

Чақирувларга хизмат кўрсатиш жараёнларини диспитчерлаш ва ташкил этиш дастурлари

8.1 Лаборатория ишининг мақсади ва мазмуни

Ёзилган дастур бўйича бошқарувли АТС ларда турли хил боғланишларни ўрнатишни, боғланишларни ўрнатиш графини тузишни, коммутацион дастурларнинг таркибини, чақирувларга реал вақтда хизмат кўрсатишнинг дастурлаш асосларини барча дастурларини абсолют ва нисбий даражалари бўйича тақсимланганлигини хизмат кўрсатишнинг устиворлик тизимини қандай лойиҳаланганлигини, хизмат кўарстадиган дастурлар таркибини белгилаш, боғловчи линияларни қидириш жараёнини дастурий ташкил этишни, ахборотни бериш жараёнини дастурий ташкил этишни чақирувларга хизмат кўрсатиш жараёнларини дисперчерлашни дастурий ташкил этишни билиши зарур.

8.2 Лаборатория ишига топшириқ

Лаборатория ишига тайёргарликда маъруза матни 1 – бўлим [1, 227-247 бетлар], ёки [2, 39-47 бетлар], ёки [3, 146-165 бетлар] ёки мазкур ўқув қўлланмани назарий қисмини ўрганиш лозим.

8.3 Лаборатория ишини бажариш тартиби

Ўз вариантингиз бўйича берилган топшириқни бажаринг. Вариант бўйича дастлабки маълумотлар 8.1 – жадвалда келтирилган.

8.1 – жадвал

Турли хил чақирувлар учун улаш ўрнатиш графини тузиш
Вариантлар	1	2	3	4	5
Топшириқ тури	Станция ичида	Чиқиш алоқаси	Кириш алоқаси	Абонент бўш	Абонент банд
Вариантлар	6	7	8	9	10
Топшириқ тури	Сўзлашув	Ишдан кетиш	Бўшатиш	Тинч ҳолатга қайтиш

Коммутация тизимининг кўп звеноли схемасида ҳар бир звено йўналишлар учун кодлаш

Вариантлар	1	2	3	4
Топшириқ тури	Икки звеноли учун 4х4	Уч звеноли учун 8х8	Икки звеноли учун 8х8	Уч звеноли учун 4х4

Коммутация тизимида тузиладиган коммутация дастурларини ташкил қилиш схемаси

Вариантлар	1	2	3
Топшириқ тури	Боғловчи линияларни излаш жараёни	Бўш боғловчи йўлни банд этиш жараёни	Ахборотларни узатиш жараёни

Чақирувларга хизмат кўрсатиш жараёнларини диспетчерлашни дастурий ташкил этиш
Вариантлар	1	2	3
Топшириқ тури	Юқори тезликли дастурий диспетчери (ЮТДД)	Нормал тезликли дастур диспетчери НТДД	Бош диспетчер Б Д

8.4 Лаборатория иши бўйича ҳисобот

Ҳисоботга қуйидагиларни келтириш лозим;

1. Назарий қисмдан қисқача мазмуни.

2. Бажарилган иш бўйича олинган маълумотлар.

8.5 Назорат саволлари

1. Коммутация тизимининг бажарадиган ички вазифалари келтиринг.

2. Периферия бошқарув қурилма вазифаси нималардан иборат?

3. АТС да боғланиш ўрнатиш босқичи деб нимага айтилади?

4. АТС да чақирувга хизмат кўрсатиш босқичлари деб нимага айтилади?

5. Станция ичида боғланиш ўрнатиш графини тушунтиринг.

6. ЧХҚЖ да коммутацион дастурлар вазифаси ва таркибини тушинтиринг.

7. Комммутацион дастурлар сонини камайтириш нимага олиб келади?

8. Коммутацион дастурнинг дастурий компонентлари қандай бўлинади?

9. АТС нинг ДТ ини ташкил этиш нимага боғлиқ?

10. АТС нинг операцион тизимининг асосий қисми нима ҳисобланади?

11. АТС да хизмат кўрсатишнинг устиворлик тизими қандай лойиҳаланган?

12. Телефон жадаллиги асосида чақириқларни сўраш ва қайта ишлаш учун процессорнинг иш вақти қандай ташкил қилинади?

13. КЭ ва ЭАТС ларнинг коммутацион ускунасининг характерли хусусиятлари нима билан белгиланади?

14. ЭБМ нинг ОХҚ да К.У ҳар бир элементи қандай белгиланади (акс эттирилади)?

15. Бўшлик-бандлик массивларини тушинтириб беринг.

16. ББМ тури қандай белгиланади?

17. ББМ структураси нимага боғлиқ?

18. Кодлашнинг умумий тамойили нима ҳисобланади?

19. КУ элементларини иккилик кодлаш тамойилини учта звено асосида тузинг.

20. Боғловчи линияларни излаш жараёнини ҳосил қилиш учун қандай дастур ташкил этиш мумкин?

21. ЭБМ да бўш боғловчи йўлни излаш дастури нечта жараёнлардан иборат?

22. Операцион тизимни бажарадиган вазифаси нималардан иборат?

23. ИХҚЖ диспетчерлаш тизимости таркибига нечта диспетчер киради?

24. ЧХҚЖ диспетчерлаш тизимостисини ташкил қилишда қандай ҳолатларни эътиборга олиш керак?

8.6 Назарий қисм

Чақирувга хизмат кўрсатиш жараёнларини ташкил этиш

дастурлари ва диспетчерланиши

Ёзилган дастур бўйича бошқарувчи АТС да турли хилдаги боғланишларни (ички станцион, кирувчи, чиқувчи, транзит) ўрнатиш АТС нинг коммутацион ва ббошқарувчи ускунаси билан биргаликда амалга оширилади. КМ ва комплектлардан таркиб топган коммутацион ускуна (КУ) одатда АТС га бошқа абонентлардан ва бошқа коммутация узенлларидан келадиган ташқи сигналаларни қабул қилиш, КМ га уланган комплектлар ўртасида ўрнаталган физик боғланаишлар ва абонентларга ҳамда бошқа коммутация ўзакларига заруру си8гналларни узатиш бўйича фақат ижро функцияларини бажаради.

КУ нинг ҳар бир қурилмаси берилган вақтда ички холатларининг мумукин бўлган чекланган тўпламидан фақат биттасигина бўлиши мумкин ва бу холатда ташқи сигналларнинг чекланган тўпламидан фақат биттаси қабул қилдиши ёки узатиши мумкин. КМ нинг ички холати уни ташкил этувчи коммутацион элементлари холатларининг тўплами билан комплекларининг ички холатлари эса уларнинг хотира (реле, тригерлар) элементларининг холатлари билан аниқланади.

КУ барча қурилмаларининг ички холатлари тўплами КУ нинг умумий ички холатини белгилайди. Алоҳида қурилмалар ички ҳолатининг сони чекланган бўлиши туфайли КУ ички ҳолатининг сони ҳам чекланган.

Талаб этилаётган боғланиш турини ўрнатиш жараёни келаётган ташқи сигналлар бўйича КУ ички ҳолатининг бирин кетин алмаштиришдан ва АТС га боғланиш ўрнатиш жараёни бошқарувчи чиқувчи ташқи сигналларни шу ҳолатларга мос равишда бўлишидан иборатдир, яъни КУ ни битта ички ҳолатдан иккинчисига ўтишини ПУЧ ва ЧШР да ташкил топган АТС нинг бошқарув қурилмаси бажаради.

АТС нинг коммутацион ва бошқарув ускунасида турли хилдаги боғланишлар ва бошқарув жараёнларига мос алгоритмларни таҳлиллаш ва оптималлаштириш, фақат адрес ишлаш жараёни формаллаштиришда мумкин, яъни уни бирон бир формал модел кўринишида тасвирлаш мумкин. Бу масалаларни ечишда самарали ишлатиш мумкин бўлган мақсадга энг мувофиқ АТС модели бўлиб, уни чекли автомат кўринишида тасаввур этишдир.

АТС ишлаш жараёнини формал тасвирлашдан маъноли тасвирга яқинлаштириш учун боғланишни ўрнатиш босқичи ва чақирувга хизмат кўрсатиш босқичлари деган тушунчаларни киритамиз.

Е_i боғланишни ўрнатиш босқичи деб, автоматнинг g_i холатлари ва U_выхi чиқиш сигналлари холатлари мажмуасини атаймиз.

Боғланишни ўрнатиш босқичи АТС нинг коммутацион ускунасида амалга оширилади.

E_JK(U_вхi/ V_вхi) чақирувга хизмат кўрсатиш босқичи деганимизда, U_вхi/ V_вхi

кирувчи сиганли келганда коммутацион учкунани U_вхi/ V_вхi*L_i боғланиш ўрнатиш босқичидан L_к босқичга ўтиш учун АТС нинг бошқарувчи ускунасининг бадарадиган амалларининг кетма-кетлигига тушунамиз.

Энди боғланишларни ўрнатиш графи деб боғланишни ўрнатиш босқичлари чўққилар, чақирувга хизмат кўрсатиш босқичлари эса ребролари бўлган графни атаймиз.

КЭАТС учун боғланишларни ўрнатиш графига соддалаштирилган мисол

8.1 – расмда келтирилган.

8.1 – расмда қуйидаги белгилашлар қабул қилинган.

e_o – боғланиш ўрнатиш босқичи, бу босқичда АК бирон бир хизмат комплекти билан боғланмаган ва абонентга станциянинг чақирувга тайёргарлиги тўғрисида псевдосигнал юборилади.

E₀₁(U_вх0) – чақирувга хизмат кўрсатиш босқичи, бунда U_вх0 “абонент А трубкани олди” сигнали бўйича КУ ни l₀, босқичдан l₁ босқичга ўтказиш амалга оширилади.

e₁ – боғланиш ўрнатиш босқичи, бунда чақирувчи А абонентнинг АК си КПН билан боғланган бўлади ва А абонентга номернинг терилишига станциянинг тайёргарлиги тўғрисида сигнал юборади.

E₁₀(U_вх1) – чақирувга хизмат кўрсатиш босқичи, бунда КУ ни U_вх1 “абонент Атрубкани қўйди” сигнали бўйича l₁ босқичдан l₀ босқичга ўтказиш амалга оширилади.

E₁₂(U_вх2) – чақирувга хизмат кўрсатиш босқичи, бунда КУ ни U_вх2 “номернинг биринчи импулси (биринчи рақам) келди” сигнали бўйича l₁ босқичдан l₂ босқичга ўтказиш амалга оширилади.

e₂ – боғланиш ўрнатиш босқичи, бунда А абонентнинг АК си КПН билан боғланган ва А абонентга номер терилишини қабул қилишга тайёргарлик тўғрисидаги сигнални узиш тўғрисидаги псевдосигнал келади.

E₂₀(U_вх1) – чақирувга хизмат кўрсатиш босқичи, бунда КУ ни U_вх1 сигнали бўйича l₂ босқичдан l₀ босқичга ўтказиш амалга оширилади.

E₂₃(U_вх3) – чақирувга хизмат кўрсатиш босқичи, бунда КУ ни U_вх2 “номернинг охирги импулси (рақами) келди” сигнали бўйича l₂ босқичдан l₃ босқичга ўтказиш амалга оширилади.

e₃ - боғланишни ўрнатиш босқичи, бунда А абонентнинг АК си чақирувни юборишни (узатишни) назоратлаш комплекти (ЧЮНК) билан боғланган, Б абонентнинг АК си чақирувни юбориш комплекти билан боғланган ва А абонентга чақирувни юборишни назоратлаш зуммерли сигнали, Б абонентга эса чақирувни юбориш сигнали юборилади.

E₃₀(U_вх1) – чақирувга хизмат кўрсатиш босқичи, бунда КУ ни U_вх1 сигнали бўйича l₃ босқичдан l₀ босқичга ўтказиш амалга оширилади.

E₃₄(U_вх4) – чақирувга хизмат кўрсатиш босқичи, бунда КУ ни U_вх4 “абонент Б трубкани олди”сигнали бўйича l_ку босқичдан l₄ босқичга ўтказиш амалга оширилади.

e₄ – боғланиш ўрнатиш босқичи, бунда абонент А – шнурли комплект абонент Б боғланиш ўрнатилган. А ва Б абонентларга станциянинг абонентларга отбой сигналини (сўзлашув босқичи) қабул қилишга тайёргарлиги тўғрисидаги псевдосигнал юборилади.

E₄₅(U_вх1) – чақирувга хизмат кўрсатиш босқичи, бунда КУ ни U_вх сигнали бўйича l₄ босқичдан l₅ босқичга ўтказиш амалга оширилади.

E₄₆(U_вх5) – чақирувга хизмат кўрсатиш босқичи, бунда КУ ни U_вх5 “абонент Б трубкани қўйди” сигнали бўйича l₄ босқичдан l₅ босқичга ўтказиш амалга оширилади.

e₅ – боғланиш ўрнатиш босқичи, бунда А абонентнинг боғланиши ШК - Б абонент ўрнатилган ва Б абонентга “банд” сигнали юборилади.

e₆ – боғланиш ўрнатиш босқичи, бунда абонент А – шнурли комплект абонент Б боғланиш ўрнатилган ва А абонентга “банд” сигнали юборилади.

E₅₀(U_вх5), E_вх(U_вх1) – чақирувга хизмат кўрсатиш босқичлари, бунда КУ ни U_вх5(U_вх1) сигнали бўйича l₅ босқичдан l₀ босқичга ўтказиш амалга оширилади.

Кўрилган ички станцион боғланишни ўрнатиш гафи соддалаштирилган бўлиб, унда бир қатор чўққи ва реброларни акс эттирувчи келаётган кирувчи сигналлар U_вх3 мавжуд эмас.

Бу мазкур боғланиш турини ўрнатиш жараёнида КМ даги барча зарур комплектлар ва оралиқ йўллар бўш бўлади деган фаразга тенг кучлидир. Равшанки бундай фараз ҳар доим ҳам реал вазиятга мос келмайди. Бироқ келтирилган мисол боғланиш ўрнатиш графи тузилишининг ҳусусиятлари ва қонуниятлари етарли даражада яхши акс эттиради ва аввал кўрилган умумий холатларни яққол ва конкрет тасаввур этиш имконини беради.

Боғланиш ўрнатиш графи умуман олганда боғланиш ўрнатиш жараёнида вужудга келадиган барча вазиятларни тасвирлайди ва асосан мазкур жараённинг мантиғини акс эттиради ва статистикдир. Боғланишни ўрнатишнинг реал жараёнида вазиятларнинг чекланган тўплами учрайди, у конкрет абонентлар ўртасида ўрнатилаётган боғланиш ўрнатилиши билан ҳамда уларга хизмат кўрсатиш учун зарур бўлган КМ нинг конкрет комплектлари ва элементларининг холати билан белгиланади.

Реал жараённинг динамикасини боғланиш ўрнатиш графидаги йўл тавсифлайди, бу йўлни чақирув ўзининг юзага келиш вақтидвн бошлаб хизмат тугагунга қадар ўтади. Бу йўл бир маънода граф чўққиларининг кетма-кетлиги тарзида икки хил берилиши мумкин, бу чўққилар орқали ёки унга мос қиралар кетма-кетлиги орқали чақирув ўтади.

Биринчи холда граф чўққиларининг кетмакетлиги боғланиш ўрнатилиши босқичларининг маълум кетма-кетлиги (l₀ …l₀) дек. Боғланиш ўрнатиш жараёни динамикасини тасвирлайди.

Иккинчи хода граф реброларининг кетма-кетлиги чақирувга хизмат кўрсатиш босқичларининг маълум кетма-кетлигидек (E₀₁ ... E₂₀) тасвирлайди.

Шундай қилиб, ихтиёрий турдаги боғланишни ўрнатиш жараёни ва шунга мос чақирувга хизмат кўрсатиш жараёни кўп босқичли характерга эгадир. Бунда босқичлар бир-биридан вақт бўйича маълум оралиқлар билан ажратилган бўлиб, уларнинг узунлиги мос равишда чақирувларга хизмат кўрсатиш босқичларининг узунлиги ёки боғланишларни ўрнатиш узунлиги билан бегиланади. Боғланишни ўрнатишни бошқаришда ЭБМ да юз берадиган ички жараёнларни тахлил қилиш мақсадида боғланишларни уларга мос чақирувларга хизмат кўрсатиш жараёни кўинишида тасвирлаш энг қулай ҳисобланади.

9 - лаборатория иши

DTS - 1100 A тизимини ўрганиш

9.1 Лаборатория ишининг мақсади ва мазмуни

       DTS-1100A тизимини имкониятларини, тузилиш таркибини, ҳар бир тизимчасини қурилиш услуби, тизимчасининг функцияларини, ҳар бир модул имкониятларини, DTS-1100A тизимининг конструктив таркибини, одам-машина ҳамкорлигини ўрганиш ва оператор иши бўйича ва киритиш/чиқариш (I/0) қурилмалари ишлари бўйича амалий янгиликларни олишдан иборат.

9.2 Лаборатория ишига топшириқ

1.Лаборатория дарсига тайёрланаётган вақтда қуйидаги адабиётлардаги [1, 44-78 бетлар] 6,7,8 бўлимлар, [2] ва шу услубий кўрсатманинг назарий қисмини ўрганиш лозим.

2.DTS-1100A тизими ўқув стативларининг конструктив таркиби билан танишиш.

3."Одам-машина" ҳамкорлигини (ММС) ўрганиш.

4.Буйруқлар рўйхати билан танишиш.

5.Ўқитувчини берган варианти бўйича буйруқ бериш, буйруқ формати, функциясини тайёрлаш.

Вариант бўйича дастлабки маълумотлар 9.1 – жадвалда келтирилган.

9.1 – жадвал

Вариант №	1	2	3	4	5	6	7
Бажариладиган буйруқ номи	CTR CS	TST LN	TST MF	TST LNC	SDU ADD SSER	ALM DIS	BLK LN
Вариант №	8	9	10	11	12	13	14
Бажариладиган буйруқ номи	SDD SLN	ALM DIS	BLK MF	OTST CAL	SDD DEN	SDD SSNO	SDD CHG CCL
Вариант №	15	16	17	18	19	20	21
Бажариладиган буйруқ номи	SDU CHG SCL	SDU DEL AUTO	SDU KHT SLN	STD CONF	TTD E1 STS	TTD E1 TRK	BLK LN

9.3 Лаборатория ишини бажариш тартиби

Лаборатория ишини бажариш учун Жанубий Кореянинг ДЭУ фирмаси яратган DTS-1100A тизимини ўқув 2 та стативдан фойдаланилади.

Бу стативлардан бирида DTS-1100A тизимининг электр таъминот қурилмалари: туғрилагич қурилмаси ва аккумлятор батареялари жойлашган. Туғрилагич қурилмаси тизимни туғри электр тармоғидан электр манбадан таъминланишига йўл беради.

        Иккинчи стативда DTS-1100A тизимининг қурилмалари жойлашган. Бу статив тўлиқ стативни ярмини ташкил килади. Унда иккита кассета жойлашган. Биринчи кассетада абонент линия ва улаш линиясига тегишли интерфейслари печатланган плата шаклида жойлашган. Улар жойлашиши кетма-кетлиги (9.9-расмга каранг): иккиламчи электр алоқа қурилмаси DSP-103A; рақамли концентратор DLS ва линия процессори жойлашган плата DSP-117; рақамли УЛ интерфейси DTIM жойлашган плата DSP-152; аналог АЛ интерфейси ALIH жойлашган плата DSP-141. Бу платадан 16 та бўлиши мумкин. Шунда битта кассетада 16 плата, хар бирида 32 тадан АЛ интерфейси, 512 та интерфейс жойлашиши мумкин. Иккинчи кассетада умумий қурилмалар, яъни бош процессор МР, коммутация модули (1KTS, 4KTS), тармоқ синхронизация қурилмаси NESH, тонал генератори TG, кўп частотали қабул қилгич/узатгич MFR/S, тестлаш қурилмаси TEH жойлашади. Улар жойлашиши кетма-кетлиги иккиламчи электр озуқа қурилмаси DSP-101А, MP-DSP-116, 1KTS-DSP-124, 4KTS-DSP-125, NESH-DSP-126, DSP-102А, TG-DSP-131, MFR/S-DSP-132, TEM-DSP-161 ва DSP-162 лар DTS-1100А бундан ташқари 486 турдаги компьютерга клавиатурага ва ташқи хотирага эга. Бу қурилмалар "Одам-машина" ҳамкорлигини амалга оширади.

Ишни бажариш кетма-кетлиги:

1. Назарий қисм билан танишиб бўлиб ва уйга берилган топшириқларни бажаргандан сўнг, DTS-1100А манба уланади;

2. Компьютерни ишга тайёрланади;

3. Ташқи хотира қурилмалар (қаттик диск, картридж лентаси) ёрдамида процессор винчестрига ишлаш дастурини ёзиш.

4. Процессор винчестрдан тизим процессорига (МР, LP, CSP, TOP) ишлаш дастурини юклаш. Бу ON/OFF тугмасини босиш йули билан амалга оширилади. Бир неча минут ичида бу амалга оширилади.

5. Ўқитувчи берган вариант бўйича бошқариш каналини танлаш. Берилган буйруқни бериш ва натижани мониторда кўриш.

9.4 Лаборатория иши бўйича ҳисобот

        Ҳисоботномада қуйидагиларни келтириш керак:

1. DTS-1100A тизимини схемасини, ишлаш жараёни;

2. Конструктив таркибини;

3. "Одам-машина" ҳамкорлигини;

4. Ўкитувчининг топшириғини;

5. Ишлаш кетма-кетлигини (буйруқ киритиш ва натижа);

6. Натижани тушинтириш ва хулосани.

9.5 Назорат саволлари

1. DTS-1100А имкониятларини тушинтиринг.

2. DTS-1100А тизимнинг аппарат таъминоти нималардан иборат ?

3. Коммутация имконини ASS бажарадиган функцияси ва уни сони нечта бўлиши мумкин?

4. ASS нималардан иборат ?

5. Назорат модули нималардан иборат ?

6. Бош процессор бажарадиган функцияларни келтиринг.

11. Имкон модули нималардан иборат ?

12. ALIH - функцияси нима, қандай платада жойлашган ?

13. SM нималардан иборат ?

14. Вақт коммутатор 1к ва 4к TS тушинтиринг.

15. СMX ни функцияси тушинтиринг.

16. NESH бажарадиган вазифаси нима ?

17. SIM нималардан иборат?

18. MFR/S функцияси нималардан иборат?

19. TG бажарадиган вазифаси нима?

20. ANM функцияси қандай?

21. TEM вазифаси нима?

22. RG вазифаси нима?

23. IOM нималардан иборат ?

24. CSM вазифаси нималардан иборат?

25. RSS нималардан иборат ?

26. DTS-1100A тизимининг ишлаш жараёнини тушинтиринг.

27. DTS-1100A тизимининг конструктив таркибий қисмини тушинтиринг.

28. DTS-1100A тизимининг "одам-машина" ҳамкорлигини қандай амалга оширилади.?

29. MMC функцияси нималардан иборат?

30. DTS-1100A тизимида ишлатиладиган буйруқлар.

31. Буйруқ формати нималардан иборат?

32. Буйруқларни киритиш усули тушинтиринг.

33. Бирон буйруқ натижасини тушинтиринг.

9.6 Назарий қисм

DTS-1100A тизимининг техник тавсифи

        Рақамли коммутация тизими DTS-1100A Кореяни ДЭУ Телеком ЛТД фирмаси яратган. Бу тизим хар хизмат турларини олади ва хар хил имкониятларни таъминлайди. DTS-1100A стандарт электрон коммутация тизими умумфойдаланишдаги телекоммуникация тармоги (PSTN) да махаллий ва тугунли станциялар сифатида ишлатилиши мумкин. DTS-1100A тизими иерархияли бошқариш усулида қурилган, яъни куп процессорли структурага эга. Бунда 32 ва 16 битли микропроцессорлар ишлатилган. Булар хамма чақириқларга хизмат курсатишни таъминловчи дастурли таксимланган бошқариш тизимини таъминлайди. DTS-1100A тизими 8192 абонент линияларида ва 1080 рақамли узатиш линияларига хизмат кўрсата олади.

        Тизим коммутация майдонини 1200 Эрланг юкланишга мўлжалланган. Энг катта юкланиш соатида 100000 чақириқ хизмат кўрсата олади.

        Назорат функцияси юкори даражали процессор ёрдамида бажарилпади. Юкори даражали процессор блш прцессор МР деб аталади. У юкори даражали функцияларни бошқаради. Буларга чақирикка хизмат курсатиш, чақириқни шифрлаш, коммутацияни назорат қилиш, эксплуатация ва бошқариш киради. Паст даражали процессор линия процессори LP дейилади. У паст даражали функуцияларни бошқаради. Буларга мониторнинг ва реал вактга караб сигналга ишлов бериш киради. Коммутация майдонида вакт-вакт-вакт (Т-Т-Т) коммутация тамойили ишлатилган. У тўлиқ имконли 4К вакт ячейкаларига эга.

        Бош процессор хотираси 4 Мбайтга, линия процессориники 512 Кбайтга тенг. Каттик дискники 540 Мбайтга, картридж лентасининг хотираси 150 Мбайтга тенг.

        DTS-1100A тизимида ишлатилиши мумкин булган сигнализация турлари:

- Абонент линиясида импульсли, DP, куп частотали DTMF;

- Импульсли (DP) ва куп частотали регистрни сигнализацияси учун териш (MF);

- Шлейфли, аудио-нуктли териш (E&M);

- 7-сонли умумканал сигнализацияси (ССSN 7).

        Узоқлаштирилган коммутация модули RSM 480/120 сигимига эга. Тарификация мультиметражли вакт буйича ва зона буйича бўлиши мумкин. Дархол сўзлашувдан кейин, талабга кўра, ҳисобни босиб чиқариш амалга оширилади. Бунда А абонентнинг рақами аниқланади ва узатилади. Махаллий хабарлар автоматик ҳисобга олинади.

        Станция электр озуқаси ўзгармас ток DC, кучланиши 48 В - (42-576) . Максимал юкланишда истеъмол қилинадиган қувват 0,6 Ватт/линияга.

        Тизимга қуйидаги линияларни улаш мумкин:

- дискли рақам тергичли телефон аппарати ТА;

- тастатурали рақам теришли ТА;

- корхона АТС дан олаётган линия;

- 12/16 КМZ импульсли ва кутбни ўзгартиришли таксофонлар;

- ISDN абонентлари (2В+Д, 30В+Д).

Тизим абонентларга 21 турдаги кушимча хизмат турларини бера олади. Тизимда ишлатилган дастурлаш тили Си, АSM (Ассемблер)

DTS-1100A тизимининг умумий конфигурацияси

Тизимнинг аппарат таъминоти 3 қисмдан (тизимча) иборат:

- коммутация имкони ASS;

- узоқлашган имкон RSS;

- киритиш/чиқариш тизимчаси IOS ва 7-сонли умумканал сигнализация модули CSM.

       Коммутация имкони тизимчаси ASS тизимни асосий қисми ҳисобланади ва станцияда учтагача урнатиш мумкин (9.1-расм). Хар бир ASS имкон модулидан AM, коммутация модулидан SM, сигнализация ва текшириш модулидан STM ва назорат модулидан CM иборат.

       Узоқлашган имкони RSS бу ASS га ўхшаш, лекин станциядан узоқлаштирилган ва бош станция тизими назоратида бўлади. RSS лар максимал сони 9 та бўлиши мумкин.

       Киритиш/чиқариш тизимчаси IOS оператор билан богланиш интерфейсини таъминлайди. У қуйидаги дастур функцияларни бажаради: ASS га дастур ёзиш; захира маълумотларини ёзиш; сўзлашув хақи тўғрисидаги маълумотларни эслаб олиб қолиши ва тахлил қилиш; дисплей ҳолати хабарларини ва одам -машина коммуникация ва оператор маълумотларини эслаб олиб қолиш ва тахлил қилиш.

       ASS даги назорат модули СМ (3.2-расм) бош процессордан МР ва линия процессорлардан LP, киритиш/чиқариш процессорларидан IOP ва 7 сонли умумканал сигнализация процессори CSP дан иборат.

9.1-расм. DTS-1100A ни аппарат қисмининг умумий структураси

Бош процессор 32 битли микропроцессор МС 68020 ҳисобланади ва юкори даражали бошқариш функциясини бажаради. Буларга чақириқлар маълумотларига ишлов бериш, рақамни шифрлаш, коммутацияни бошқариш, тизим ишини координация қилиш (тизимни маъмурий ва бошқариш функцияларини бошқариш).

       Бош процессор линия процессори LP, станциялар орасидаги қурилмалар назоратчиси билан, киритиш/чиқариш процессори IOP билан, 7-сонли умумканал сигнализацияси процесссори CSP билан хамкорликда ишлайди. Бунинг учун B,T,L шиналаридан фойдаланади. (9.2-расм).

       Бош процессор абонент линиясидан тушаётган чақириқларга ишлов беришни назорат килади; LP дан берилаётган абонент холати ва терилган рақамлар хакидаги ахборотни қабул килади ва унга ишлов беради; иерархияли процессорларига керакли курсатма беради; улаш трактини хосил қилиш функциясини бажаради; авкт коммутаторини назорат килади; линияни банд қилиш ва станцилар орасидаги линияларни бушатиш LP дан тушаётган суровини бошаради; автожавобни бошқаради, яъни овозни узатиш трактини танлайди ва уни бушатади, керакли жавобни ANM ячейкаларидан укишни бошқаради; конференц-алокани бошқаради, яъни уч томонлама сўзлашувни улашга суровга ишлов беради; префикс ва Б абонент линия рақамини узатиш, махсус хизмат (киска рақам териш, иссик линия хизмати ва х.к)ни ман этишни руйхатга олиш; умуимий холатни бошқариш ва хар хил тестлаш каби тармоқларга тегишли функцияларни амалга оширади; хак тулаш, статистик маълумотларни йигиш, одам-машина алокани ва маълумотларга ишлов бериш каби тизимни бошқаришга тегишли функцияларни амалга оширади; абонент линиясидан куп частотали усулда рақамларни қабул қилгич DTMF ни ва улаш линияларига куп частотали усулда қабул қилгич - узатгич MFR/S ни назорат килади ва бошқаради.

9.3-расм. Назорат модули СМ

       МР ни узатиш тезлиги 8192 Кбит/c. МР-DSP 116 процессорда жойлашган. Линия процессори LP 16 битли процессор МС 68302 эга ва паст даражага жавоб беради. Уни узатиш тезлиги 8192 Кбит/с.

       Линия процессори абонент линиялар ва улаш линиялар холатини тахлил килади ва уларни бошқаради. Бу ахборотни бош процессорга узатади Бош процессор МР назорати остида абонент линияси буйича керакли функцияларни амалга оширади. LP станцилараро рақамли куринишдаги ахборотни МР га узатади. МР курсатмаси буйича улашни банд қилиш, бушатиш, керакли ахборотни узатиш фнкциясини бажаради. LP ISDN терминалидан олинган хабарни МР га узатишни ва аксини бажаради. Хар бир линия процессори 512 та абонент ва 120 рақамли улаш линияларини бошқаради. Бир пайтда 128 тагача аналог ва 120 рақамли УЛ га хизмат курсата олади. Хар бир МР га 6 тагача LP уланади. LP-DSP-117 платада жойлашган.

       7-сонли умумкакал сигнализация процессори CSP қуйидаги функцияларни бажаради:

- 7-сонли сигнализация звеносининг холатини кузатади ва бошқаради. МР га бу тўғрисида хабар беради. МР назорати остида сигнализация звеносида керакли функцияларни амалга оширади;

- МР назорат остида сигнал нукталаридан хабарларни узатади ва қабул килади.

       Киритиш/чиқариш процессори IOP қуйидаги функцияларни бажаради:

- дастур ёзиш ва учириш;

- захира маълумотлар базаси;

- хак тулаш тўғрисидаги маълумотлар ва улар тахлили захираси;

- статистик маълумотлар захираси;

- киритиш/чиқариш қурилмаларини захиралаштириш ва уларни назорат қилиш;

- авария каналини уловчи қисми.

       ASS даги имкон модулига (АМ)га қуйидагилар киради:

- аналог линия интерфейсини аппарат таъминоти ALIH;

- станциялар орасидаги аналог улаш линиялар интерфейсини аппарат таъминотини ATIH;

- линия интерфейси аппарат таъминоти ILIH;

- станциялар орасидаги рақамли улаш линиялари аппарати таъминоти DTIH;

- умумканал сигнализация аппарат таъминоти CSH;

- рақамли линия концентратори DLC;

       ALIH асосий абонент линиясини, таксофондан келаётган линияни ва корхона АТС дан келаётган линияларни улаш учун ишлатилади. Бу интерфейсда узатиш тавсифи буйича мувозанатлашган тармоқ CCITTG712 ва G517 тавсифига мос тушувчи ва киришида каршиликни қабул қилиш/узатиш дастурланган кучайтиргич ишлатилган ALIH линия турига караб хар хил платалари бор:

1. DSP-141 - аналог АЛ учун битта платада -32 интерфейс жойлашган.

2. DSP-142 импульсли турдаги

3. DSP-143 - 16 КГц

       ILIH га икки хил ISDN абонент уланиши мумкин: асосий даражаси BRI (2B+D); дастлабки (бирламчи) даражали PRI (30В+D). Асосий даражали абонентни ISDN тармоги улашда умумий тезлик 2B+D = 2*64+16 = 144 Кбит/с ташкил килади. Бирламчи даражали абонентни ISDN тармогига улашда умумий тезлик 30В+D =30*64+64= 1984 Кбит/c ташкил килади. Бу интерфейс жойлаштириш учун қуйидаги плата турлари ишлатилади: DSP -144 - асосий даража (30В+D ) битта платада битта Е1 асосий усулда узатиш коди FCH, бирламчи эса НОВ.

       ATIH - аналог улаш линияни улашга мулжалланган. Улаш линиядаги сигнализация турига караб хар хил тур платалар яратилган:

1. DSP 153 2600 Гц бир частотали линия сигнализацияли ATIH. Битта платада 8 та линия.

2. DSP -154 импульсли карама-карши териш LD. Битта платада 8 та линия.

3. DSP -155 шлейфли, аудио-нуткли териш E&M.

4. DSP -158 COCA сигнализацияли.

       DTIH европа стандарти буйича (ССII тавсияси) рақамли окимни узатишга мулжалланган. Бу раамли оким СЕРТ (Е1). Рақамли линия интерфейсининг икки хил плата версияси бор:

       DSP-152 (4Е1); DSP-151 (2Е1) DITH канал сигнализациясини хам таъмилайди. Узатиш тезлиги 2048 Кбит/с. Линия коди HDВ-3 ишлатилган. АКШ стандарти (24-каналли) учун DSP-156, DSP-157 платалари ишлаб чикилган.

       DLC - рақамли линия концентратори абонент линиялар, улаш линия ва станция коммутация майдонини SWH орасида нутк трактини таъминлайди.

       DLC 32х32 вакт коммутатори ҳисобланади (9.3-расм). У абонент линия юкланишини зичлаштириш учун ишлатилади. Зичлаштириш коэффициенти 2:1, 4:1, 8:1, 16:1 нисбатда булади. DLC да абонент линиялари ALIH дан кейин DLC ни 16 та киришига 32 каналли рақамли оким сифатида уланади.

9.3-расм. DLC ни тузилиши

       Бу киришлар SWH томон уланган 8 та чикишга улана олади. Шунинг учун 16->8. Агар зичлаштириш коэффициенти 2:1 нисбатда бўлса 16->8 қолади, 4:1 булса 16->4, 8:1булса 16->2, 16:1 булса 16->1.

       DLC мультиплексордан MUX, демультиплексордан DMUX, вакт коммутаторидан ITX, аттенюатордан DAP, дистрибютер DDC дан ва назорат қурилмаси PGC дан иборат. (9.4-расм).

9.4-расм. DLC ни схемаси

       DDC дистрибютер такт генератори булиб қуйидаги частоталарни ишлаб чиқаради.

СР0 = 32,768 МГц

СР1 = 16,384 МГц

СР2 = 8,192 МГц

СР3 = 4,046 МГц

СР4 = 2,048 МГц

СР5 = 1,024 МГц

СР6 = 512 КГц

СР7 = 256 КГц

СР8 = 128 КГц

СР9 = 64 КГц

СР10 = 32 КГц

СР11 = 16 КГц

СР12 = 8 КГц

       Мультиплексор MUX 32 та 32 каналли рақамли оким SHW (узатиш тезлиги 2048 Кбит/с) ни 1 та 1024 канали рақамли оким га айлантириб беради. Бу ута зичлаштириш усулида тезлик 8192 Кбит/с булади. Узатиш даври 125 мкс лигича колади. Демультиплексор DMUX мультиплексорнинг аксини бажаради. DAP - сигнал амплитудасини ўзгартириш учун ишлатилади.

       Вакт коммутатори ITX вакт буйича коммутация жараёнини амалга оширади. Уни параметри 1024х1024. Нутк хотира қурилмасида кетма-кет ёзиш, ихтиёрий укиш ишлатилган адресли ХК да эса ихтиёрий ёзиш, кетма-кет укиш ишлатилган. PGC - концентратор ишини назораткилади.

       Демак концентратор 32 та маълумотлар шинасига эга. Улардан 16 таси абонент магистрали ҳисобланади. 4 таси улаш линия магистрали, 8 таси коммутация майдонига келаётган магистраллар ва 4 таси бошқариш магистрали (ички синхронизация, сигнализация) ҳисобланади.

       DLC бажарадиган функцияси: линия процессори билан узаро мулокот; назорат хотирасидан (2К х 16 бит) укиш ва унга ёзиш; мультиплексорлаш (демультиплексорлаш); нукт хотираси (2К х 8 бит); нутк трактини тестлаш. DLC DSP-117 платада жойлашган.

       Коммутация модули SM қуйидагилардан иборат: вакт коммутатори TSW, конференц алока CMX, тармоқ синхронизацияси учун аппарат таъминоти NESH. Вакт коммутатори TSW марказий коммутация қурилмаси ҳисобланади. Уни бош процессор бошқаради. TSW вакт каналларини икоммутациясини бажарди. Бундан ташкари абонент ва улаш линияни тон генераторининг сигнал қурилмаларини узаро мулокотини бажаради, хамда тест қурилма билан АЛ сини улайди, яъни тест трактини урнатади. Икки хил вакт коммутатори бор 1К ва 4К. 1К вакт коммутаторини бош процесссор назорат килади. 4К вакт коммутатори имкон коммутация қисми (ASS) лари орасида тракт хосил қилиш учун ишлатилади. У хар бир 1К вакт коммутатори учун 1024 ВИ таъминлайди. Хамма коммутация қурилмалари захиралаштирилган. TSW қуйидаги имкониятларга эга: ASS да вакт коммутация боскичи; ASS лар орасида Вакт-Вакт-Вакт коммутацияси; бир-бири билан боглик блокларга вактни таксимлаш; 1Кх1К, 4Кх4К вакт коммутацияси; узини тестлаш; шлейфни тестлаш; захиралаштирилган модулларни танлаш имкони; аналог/рақам айлантириш функциясини; мульти ёзиш усули; уз-узини диагносьтика қилиш.

       3.6 расмда 1 KTS -1К вакт коммутатори мультиплексордан, 3 та вакт коммутаторидан (ТМ 1 ва СМ1, ТМ 2 ва СМ 2, ТМ 3 ва СМ 3) демультирлексордан иборат. 1 ва 3 вакт коммутатори DMUX уланган.2-вакт коммутатори 4 KTS га уланган. 4 KTS чикиши 3-вакт коммутаторининг киришига уланган. MUX киришидаги 32 SHM га АМ уланиш усули курсатилган. 1 КТS-DSP-124 платасида 4 KTS-DSP-125 платасида жойлашган.

       Конференц алока блоки CMX. Конференц алокани таъминлаш учун мульти коммутация функциясини бажаради. Бош процессор назорати остида уч йуналишга чақириқ сигналини юборади. Уч абонент битта гурухга кушилиб, уч томонлама сўзлашув олиб бориш мумкин. 27 каналгача (баъзи бир вактда 24 каналгача) уч томонлама сўзлашувга ишлатилиши мумкин.

9.5-расм. 1 KTS ва 4 KTS схемаси

       Тармоқ синхронизация учун аппарат таъминоти NESH синхронлаштирувчи импульс ишлаб чиқаради. У импульс частотасини ўзгаришига йул куймайди. Узатишни сурилиши ва фазали титрашни камайтиради. Коммутация тизимидан эталон импульслар 2048 МГц ташкил килади. Ячейкали тармоқ учун хужаин-буйин синувчи (РАМS) усули ишлатилади. NESH тармоқдан 2 та эталон импульсларини олади. Шулардан бири солиштириш учун ишлатилади. Уни генгерация килади ва қурилмаларга таксимлайди. Эталон синхронлаш импульслари ишдан чикса автоматик равишда янги импульслар танланади. NESH қуйидаги тавсифга эга: тармоқдан синхронлаштирилган 2 та манба; асосий синхронлаштирилган частота - 16,384 МГц; тизим синхронлашган импульс - 8,192 МГц; давр импульсларини генерацияси 8 КГц; сурилишни аниқлаш; PAMS усулини ишлатиш; DP-PLL контури. NESH-DSP-126 платада жойлашган. Сигнализация ва тестлаш модули STM қуйидагилардан иборат: куп частотали қабул қилгич ва узаткич MFR/S, тон генератори TG, хабарлар генератори ANM,тест қурилмаси ТЕН, чақириқ сигнали генератори RG.

       MFR/S абонентдан ва улаш линиясидан тушаётган куп частотали сигналга ишлов беради. Бу сигнал процессори назоратида бажарилади. MFR/S TSM га магистрал оркали уланган. MFR/S-DSP-132 платада жойлашган. Тон генератори тонал сигналларни ишлаб чикади. Буларни станция тайёр, банд сигнали, чақириқни назорат сигнали, юкланиш сигналини курсатувчи сигнал ва х.к. Абонентга сигналларни бериш бош процессор назорати остида бажарилади. Сигнални ишлаб чикиш, хотирадан укиш усули билан амалга оширилади. Керакли сигнал жадвалдан укиш йули билан хосил килинади. Керак булган пайтда сигнални частотасини, такт сигналини ва даражасини кайта дастурлаш доимий хотира қурилмасига ўзгартириш киритиш йули билан ўзгартириш мумкин. TG максимум 32 тур сигнал ишлаб чиқариши мумкин. TG-DSP-131 платада жойлашган. Хабарлар генератори ANM бош процессор МР назорати остида абонентга нуткли хабар узатиш функциясини бажаради. Хар бир хабарни ўзгартириш мумкин. Бунинг учун кайта дастурлаш доимий ХК га ўзгартириш киритилди. ANM 16 тур хабарни узатиши мумкин. Хар бир сигнал давомийлиги максимум 12 секунд. Хабар турлари: Рақам нотўғри терилган, сиз терган рақам тармоқда йук, абонент рақами ўзгартирилган ва х.к.

       TEH куйдаги параметрларни улчайди: доимий (ўзгарувчи) ток кучланишини, сигимни, каршиликни, рақам териш импульсларининг частотасини, терилган рақамларни, ишлаш коэффициентини.

       ТЕН ички линия холатини аниқлаши мумкин ва ALIH гача абонент линия контурини тестлайди.

       Қуйидаги параметрларни улчайди: узатиш тавсифларни, нутк сигналини бузилишларини, йукотишларни, доимий ток буйича шлейф каршиликларини, импульсли ёки куп частотали теришни аниқлаш, алока урнатиш ва бушатиш. ТЕН абонент линияси учун DSP-161, УЛ учун DSP-162 платада жойлашган.

       Чақириқ сигнали генератори RG. У линия процессори LР назорати остида чакирилаётган абонент томон чақириқ сигналини юборишни таъминлайди. RG уз ичига синусоидал тулкин генераторини, тўғрилагични, чикиш кучланиш назорати занжирини, чикиш назорати занжирини, чақириқ сигнали синусоидал окимини генерация қилиш учун ??? кесиш занжирини олади. RG параметрлари чикиш сигнали синусоида (10 % бузилиши билан), частота 25 Гц ±3 Гц, кучланиш 60 В дан 90 В гача ток кучи минимал I = 3A. RG DSP-133 платада жойлашган.

       Киритиш/чиқариш модули IOM. IOM киритиш/чиқариш процессоридан (IOP) иборат. IOP киришидаги ва чикишидаги тизим қурилмаларни назорат килади. Буларга картридж лентасининг приводи, каттик диск приводи CRT, принтер, авария панели киради. IOP қуйидаги функцияларни бажаради: датурни ўзгартириб кайтадан ёзиш, маълумотларни захира ёзуви, сўзлашув хакидаги маълумотларни захира ёзиш, статистика маълумотларини захира ёзуви, киритиш/чиқаришни назоратлаш ва захира ёзув, авария панели (ALMH).

       IOP-операцион хизмат килувчи терминал оператор учун тизим интерфейсини таъминлайди. У қуйидаги параметрларга эга: CPU - интел 486, Dx 50 МГц, HDD-540 Мбайт, RAM 16 Мбайт, CASH-256 Мбайт, I/O порт - 2 та серияли, 1 та параллел, СТD -150 Мбайт.

       Умуканал сигнализация модули CSM -умумканал сигнализация процессоридан CSP, умумканал сигнализация аппарат таъминотидан CSH иборат.CSP 16 разрядли микропроцессор асосида қурилган. У реал вактда 7-сонли сигнализацияга жавоб беради. Битта процессор максимум 4 та сигнализация звено терминалини узатади ва назорат килади. Бош процессорга холат хакида ахборотни узатади. CSH CSP назорати остида 7сонли сигнализация звеносининг хабарларни узатиш қисмида 2 даража функциясини бажаради. У хам рақамли, хам аналог сигнализация маълумотлар звеноси SDL билан таъминлайди.CSH n + k усулида захиралаштирилган CSP тасвири 16 разрядли, Мс 68 302 микропроцессори ишлатилган, частота 16 МГц, хотира сигими 512 Кбайт, алока тезлиги 8192 Кбит/с. СSH-DSP -133 платада жойлашган.

       Узоқлашаган имкон тушинчаси RSS ASS ни узоқлашган варианти булиб, станция сигимини абонент қурилмаларини олиб чикиш йули билан ошириш ва кабелни тежаш учун ишлатилади. Агар ASS факат RSS ишлатилса, улар максимал сигими 8 та бўлиши мумкин.

       RSM модули 480 та АЛ, 240 ISDN абонент линияси, 120 УЛ улашга мулжалланган. Унинг коммутация модули 400 Эрл юкланишни утказа олади.

       RSS қуйидагилардан иборат: назорат модули СМ, имкон модули (АМ), коммутация модули SM, сигнализация ва тестлаш модули STM.

Чақириққа хизмат кўрсатиш жараёни

        Абонент микротелефон гўшагини кўтарганда АЛ бандланади ва ALIH уз холатини ўзгартиради. Шу АЛ хизмат курсатувчи линия процессори LP буни аниқлайди ва бош процессорга (MP) буни хабар килади. МР бу хотирага ишлов беради ва абонент станция тайёр сигналини бериш, рақамларни қабул қилгични улаш кераклигини белгилайди. МР коммутация модулига (SM) ва STM га буйруқ беради. Буйруқ бажарилгандан кейин Ал га TG ва MFR/S уланади

9.6-расм. Чақириққа хизмат кўрсатиш жараёнидаги тракт

        Абонент "станция тайёр" сигналини эшитганидан сунг, рақам тера бошлайди. Терилган рақамлар куп частотали код асосида MFR/S га тушади. MFR/S бу ахборотни МР га узатади. МР тахлил килиб алока турини аниқлайди, MFR/S ни бушатади, абонентнинг позицияли рақамини, В абонентни линия холатини аниқлайди. Агар абонент линияси буш булса, иккита абонент орасида сўзлашув трактини хосил килади. В абонентни LP ёрдамида В абонентга чақириқ сигналини, А абонентга уни назоратини TG оркали, 1 KTS оркали узатади. Агар В абонент чақирикка жавоб берса, в абонентни LP жавоб сигналини қабул килади ва уни МР га узатади. МР сигнал узатиш трактини узади. Энди суузлашув тракти оркали иккита абонент сўзлашшиши мумкин. Микрофонга электр манба ALIH дан берилади.

DTS -1100A тизимининг конструктив таркибий

қисмларини йиғилиши

        DTS -1100A тизимининг қурилмалари стативда жойлашади. Хар бир статив 4та кассетадан иборат. Кассеталарда печатланган платалар урнатилади. Печатланган платалар эпоксидли ойинадан тайёрланади. Бу ойна изоляция каршилиги катта, паст намликни шимишга, ёнгинга карши тура олиш сифатига ва мустахкамликка эга. Бу курсатгичлар эпоксид ойнани FRH&NEMA дан яхшилигини курсатади. Мис калинлиги 0,03 мм дан 0,045 гача бўлиши мумкин. Орка шитдаги контактлар тилла билан копланган. DTS -1100A га печатланган плата улчамлари: кенглиги 326 мм, узунлиги 233 мм ва калинлиги 1.6 мм.

        Хар бир стативга 1500 АЛ уланиши мумкин. Демак, тизим максимал сигими учун 5 та статив лозим (3.11-расм). Статив улчамлари: баландлиги 1320 мм, узунлиги 712 мм, кенглиги 600 мм. Кассетани тузилиши 9.7-расмда келтирилган.

9.7-расм. Стативларни тузилиши

Адабиётлар рўйхати

1. Болгов И.Ф. Электронно–цифровые системы коммутации. М: Радио и связь, 1985 г.- 144 стр

2. Гольдштейн Б.С. Системы коммутации. – СПб.: БВХ - Санкт – Петербург, 2003 г.- 318 стр

3. Маевский В.И. др. Цифровые системы передачи, Пер. с польского – М.: Связь, 1979 – 264 с.

4. Дж Белами. Цифровая телефония. Пер. с англ. – М.: Радио и связь, 1986. – 544 с.

5. Безир Х.И. и др Цифровая коммутация. Пер. с нем. – М.: Радио и связь, 1984 – 264с.

6. Кожанов Ю.Ф., Основы автоматической коммутации – С.–Пб. 1999 г. -145 стр.

7. Игнатьев В.О., Алексеев Б.Е., Россиков В.В. Программное обеспечение АТС. М.: Радио и связь.- 176 стр

8. Аваков Р.А., Игнатьев В.О., Попова А.Г., Управляющие системы электросвязи и их программное обеспечение. М.: Радио и связь, 1991 г.

9. Иванова О.Н. Автоматические системы коммутации – М.: Радио и связь, 1988 – 624 с.